فارقت ...غالي

نورا · 07-02-2009, 11:18 PM

.
.

.
.

ناديت لك في عز ضيقي.. وقفـّيت

.. .. .. .. .. .. قلت التجي بك ..يوم فارقت غالي

ياقـوّ قلبك وسط حزني ..تخلـّيت

.. .. .. .. .. ..عني وانا كنت احسبك ..نجم عالي

غرّك غلاك ..!أو شفت نفسك..! وسجّيت

.. .. .. .. .. ..ف/ حب ٍ جديد ..او عشق ذيك الليالي

مـدري غزاك الــسوء فيني ..وظنـّيت

.. .. .. .. .. ..أو انك انتــه.. هكذا ..لا تبالي

يامبتدي درب الغلا ليش ..كزّيت؟

.. .. .. .. .. .. حتى ذلولك ..ما تحمل الثقالي

كنت احسب ان طال المدى ..بي تغنـّيت

.. .. .. .. .. .. تحدو بغلاي.. وتنثني لك ظلالي

بس المدى.. يستدركك وان تخطـّيت

.. .. .. .. .. .. يكشف بشر ..شروات لال برمالي

قال المثل ..ان ضاق وقتك وتمّيت

.. .. .. .. .. .. طالع صديقك وقت ضيقك ..يسالي

والصاحب اللي حاوطك.. إن تهنّيت

.. .. .. .. .. .. وان ضقت.. سابـَق خطوته ريح خالي

لايهزّك افراقه ..ولا تقول زلــّيت

.. .. .. .. .. .. يعلّــّها خيره.. من أقدار والي

البارحه فارقت غالي ...وحنــّيت

.. .. .. .. .. .. وانا بعد ..هـ/اليوم فارقت غالي

بس ذاك.. باعذار المسافر تعزّيت

.. .. .. .. .. .. ولا انت غالي.. بعتني فـ/ ضيق حالي

الود والورد....

لمن قرأني

,
,
,

نورا