اوراق مبعثرة!!!

[محمد علي الثوعي]

اشعلت نار الحب في قلب مغليك
................ عامين مرت يحترق من لهبها

ياعل عين . الحي مايوم تبكيك
............... انته عيون الحب وانته هدبها

لا قلت بابدا في قصيدي واغنيك
...............ترقص حروف القافيه من طربها

ابيات شعري كل ليله تمسيك
............... من واقع الاشواق قلبي كتبها

ياقبلة العشاق والقلب يدعيك
............... في كل نبضه بالثواني حسبها

اغليك لكن لا تقاطع مهاويك
................ شمس الموده بيننا من حجبها!

الشمس شمسك والليالي لياليك
................والناس دايم تذكر اللي عجبها

والورده اللي تبتسم بين اياديك
................ تشم كفك عطرك اللي جذبها

كل المشاعر ما تعارض معاليك
.................لانك سمو الحب طيبك سلبها

مهما زعلنا من بعض مانجافيك
.................وقف.. تأمل.. بالحياة و تعبها

الحب يبغى له مع الوقت تكتيك
...............سويت خطه ماخسر من لعبها!!

محمد الثوعي