اوراق مبعثرة!!!

[محمد علي الثوعي]

خبري بها من عام كانت هنيا
تسكن بنفس الشارع اللي ورانا

تمرنا في كل صبح وعشيا
تزور بيت اعمامها اللي حدانا

لا شفتها تقبل شعوري تهيا
ما انطق بكلمه بس ودي ترانا

بعيونها دايم تسولف عليا
فيها تفاصيل الغلا اللي دعانا

اهيم كلي في غرام العبيا
والعشق سيفه مايحرم دمانا

اكتب لها شعر ٍ مهذب شجيا
من فكر شاعر عاشق ٍ ماتوانا

حبيت لكن ماتركت الحميّا
ماودي الحسّاد تعرف هوانا

حتى يديها ما تلامس يديّا
عفيفة ٍ مصيونة ٍ من وفانا

في ظلها قلب المولع تفيا
الصدق والاخلاص قمة عطانا

جنبت عن درب الخطا والاذيا
لقيت بعض الناس تبحث خفانا

الجرح ينزف والمشاعر عصيّا
غبنا مع الايام تاهت خطانا

واليوم مدري وين حلّت ثريا
معقول راحت للسماء ياثرانا

القلب حيا واسود الحظ عيا
وحنا ابتلشنا في غرام ٍ بلانا


محمد الثوعي

 

[محمد علي الثوعي]

بسم رب الخلق نبدا ذاكرينه
.......الإله الفرد ..من ..ساق ...المخايل
نحمد الله حمد منهم شاكرينه
.......من هدا المسلم على فعل الفضايل
والشعر عن.. كل.. زله ..مبعدينه
.......ماكتبنا ..غير ..الابيات ...الجزايل
قدركم ..حنا ... ترانا ..حافظينه
.......يا رجال الطيب ياعيال الحمايل
والوفاء.. بين.. الاوادم ...خابرينه
.......العرب ..تعرف ..تفاصيل ..القبايل
في جنوب المملكه والا المدينه
.......في تبوك الورد .. والا بعد..حايل
شرق .. والا غرب ..كل ٍ ..عارفينه
.......نرفع التقدير ..في ..كل ..الوسايل
التحيه .. للرجال .. اللي ..فطينه
........مكرمين الضيف.. ذربين .الفعايل
مدركين ...الّحق ..حنا ...مدركينه
........ ماجهلنا طيبكم يا اهل.. الجمايل
شعب واحد من تعنصر رافضينه
........عندنا .ماله قدر من.. كان عايل
السفينه .. بامر .. ربان ...السفينه
.......ماتهاب الموج ..الازرق .والهوايل
قادها .. سلمان .وافكاره ...رزينه
........حافظ .. التاريخ للامجاد .طايل
من يروم العز.. وعروقه ...متينه
.........طيّب المنسب ومحمود الخصايل
ضربته دايم على الاعداء مشينه
........سيفه البتار يعدل ..كل ..مايل
يسنده فارس وربه ..من ..يعينه
........صاحب الرؤيه ..محمد .. للثقايل
طور الدوله عسى تبطي ..سنينه
........مركزه دايم من أصحاب الاوايل
دارنا ...حنا ...ترانا ...محتمينه
........عندنا ..تاريخ ..وأفعال ..ودلايل
اليدين ..اللي.. تصافحنا.. ثمينه
.......والقلوب.. اللي ..تعادينا ..غلايل


*#محمد_الثوعي*