اوراق مبعثرة!!!

[محمد علي الثوعي]

على قل الموارد ما اعتذرنا
..........و قفنا بالشدايد وانتصرنا

تعلمنا من الدنيا تجارب
...........ربحنا بالعمر والا خسرنا

قليل ٍ في يدينا خير واجد
..........ولا نسأل ردي ٍ ما اعتبرنا

ولاينزل قدر من .هو.. تعلى
..........كرامة نفس من ربي صبرنا

سترنا النفس عن كل البرايا
..........سفيه العقل يفرح لو عثرنا

وابو وجهين لا منه تبسم
.......... بمنشاره.. الى. غبنا .نشرنا

عطينا الحق والواجب عطينا
..........اذا.حنا..اعتذرنا .من .عذرنا

ومن جانا ترى ..طلاب حاجه
.........قضينا .حاجته لو ما شكرنا

بعون الله مانترك فضيله
.........وفعل الطيب مادونه قصرنا


محمد الثوعي

 

[محمد علي الثوعي]

وطنا لك شموخ المجد بيرق عزنا.. منشور
يرفرف بالسما عالي ولا ينزل من القمه
وطنا ماتعيش الضيم دايم. بالعطاء معمور
جميع الناس حولك ياوطنا اليوم ملتمه
ورثنا حبك اللي بالحنايا من ..قديم عصور
على عهد الجدود اللي تعز الدار وتضمه
عقب ماكنا اشتات ٍ مثل عقد ٍ غدا.. منثور
وحدنا ..معزي .دولة ٍ فالدين ..مهتمه
خرجنا من دهاليز الجهل شفنا طلوع النور
تعلمنا العلوم اللي تفيد الشعب .وتعمه

محمد_الثوعي

 

[محمد علي الثوعي]

🇸🇦🇸🇦🇸🇦🇸🇦🇸🇦🇸🇦🇸🇦🇸🇦🇸🇦
يوم... العلم تاريخ دوله ودستور
......في سلم والا حرب. هذا. وطنا


هذا علمنا..بيرق ..المجد ..منشور
........عقيدةٍ... حنا ... عليها ...فطنا


أرض الكرامه.والعطاء مهبط النور
.......دار...الوفاء... والعز.. ياما عطنا


حنا هل. الافعال. والشك ...مثبور
......شفنا على ..أرض .المعارك رطنا


محمد الثوعي

 

[محمد علي الثوعي]

ممنون كلي.. بعد. والنفس لك..شاكره
عطيتني درس واحد في زمنّا صحيح

في موقف ٍ بالعمر .لازلت...انا...فاكره
اللي انكوى بالغدر ياناس قلبه .جريح

من ..ينتظر ..حل ما يلقاه ..في باكره
يموت حلمه مع ..الايام ..ماله نصيح

ناس ٍ ..كريمه.. وناس ٍ بالفعل ..ماكره
تظهر وجيه ٍ خبيثه في لباس ٍ ..مليح

نزلت ...في وادي ٍ مجهول.. انا.. ناكره
لقيت بالدرب داب ٍ بالمسا له ...فحيح

اللي وقف في ..طريقي اليوم باعاكره
القلب صامل وراس العز ...لا مايطيح

من قال هذا الشعر مجنون من. حاكره
ليته درا عن جروح ٍفي ضميري تصيح

اشياء كثيره صور محفوظه.. بالذاكره
وابيات شعر ٍ كتبته بالنبط ..والفصيح



محمد الثوعي

 

[محمد علي الثوعي]

اعرفك من موقعك لاتجاهل موقعي
يارجل ماكل هرج ٍ تقوله ....نقتفيه

من يدوّر للوعي في عقول ٍ ..ماتعي
مثل من يدفن عزيز ٍ ويرجع يحتريه

من دواير في دواير . وكل ٍ...يدّعي
لين ضاع الحق بين المعلم.والسفيه


محمد_الثوعي

 

[محمد علي الثوعي]

لا تبتئس دنيا المتاعب......زهيده
اصنع بنفسك ساعة السعد وافرح

وكل امورك للي ...خالق ......عبيده
لا تحسب الايام تجمع ......وتطرح

من عاش.. بالدنيا حياة ٍ ...... رغيده
يمكن من الاحداث.. ماعاد ....يمرح

في كل يوم اخبار تظهر ......جديده
دنياك هذي يابن الاجواد ...مسرح

واللي دعا ربه في سجده ....حميده
يزيل عنه البأس والصدر ....يشرح


محمد الثوعي

فوري

 

[محمد علي الثوعي]

‏يشوش راسي من..علوم المطاليق
.......اللي على فعل .الجمايل....جسوره
بيرق سبيع اللي برز حزة....الضيق
.......زامل يشرّف ..بالمواقف...حضوره
من دون ربعه شاهدوه ..المخاليق
.......في مقطع ٍ منشور صوت ٍ وصوره
بيّض مقامه ابيض. الوجه ويليق
.......فيه القصيد الجزل...يعلن..ظهوره
جمعان من يرقى بروس الشواهيق
.......علمه ...مجمل... وافيات ٍ...شبوره
رجل ٍ حكيم ٍ .صان كل ...المواثيق
.......نفسه على الشدات دايم ..صبوره
والشاعر اللي صار عند ..المخاليق
......بارز وله في الشعر سطوه...ودوره
ابن المظيبر من .رجال ٍ ...شباريق
......من عبس اهل المرجله والخطوره


محمد_الثوعي

 

[محمد علي الثوعي]

قالت احبك قلت ياباشة الغيد
..........ادري ولكن مجتمعنا منعنا

قالت احبك قلت سور التقاليد
..........سوى حواجز بيننا وانقطعنا

قالت احبك قلت من غير تفنيد
..........ياليتنا في بعضنا ما وقعنا

في سابق الايام كنا اجاويد
..........احباب من نزف المشاعر صدعنا

عذبنا شباك السهر بالمواعيد
..........ياكم نسولف ليلنا ماشبعنا

حنا قطفنا حاليات العناقيد
...........في غيبة الحساد محد ٍ سمعنا

امالنا مركب سفر طافت البيد
..........عزم الشباب اللي تحدى ودفعنا

كنا على نهر المشاعر مواريد
..........درب ٍ مشينا منه غصب ٍ رجعنا

قصة غرام اثنين عشنا مطاريد
..........نسيت كلي معك والود معنا

واليوم من كثر العتب والمناقيد
...........ماعاد نسأل عن سبايب وجعنا

احلامنا شابت وكانت. مواليد
..........والياس دربه ياعيوني جمعنا

الشعر ماله بعد الاحباب تمجيد
..........لولا عيون احبابنا ماسجعنا

اطرد ورى شرد البيوت المجاويد
..........لو كان قاف الشعر ماهو طمعنا

ماعاد ينفع نقل شلف وبواريد
..........كل ٍ يقول اليوم يارجل طعنا!

ثالثه. سنه مابين صد ٍ وتهديد
..........عشنا وشفنا وضعنا . وانفجعنا

يمر. يوم العيد ماكنه العيد
..........وين الفرح. والحب يابنت ضعنا


محمد الثوعي