صرخة احتجاج ...!!!

[سليمان الشدوي]

ياليل/ ياساكن انفاس المحبين
ياليل/ وينك عن اللي مايحبون ..!

ان طال موالهم / ياليل ياعين
تتشجر اهاتهم / ويدندن الكون

ياليل/ قلبين / تخشع تحت صدرين
وقلبين متعلقه باهداب وعيون ..!

الدرب ماينتهي / لولا العناوين
والصبح ميعادكم ياللي تخونون ..!

وانا العناوين تاخذني على وين
اجاذب اهل الهوى يمكن ينامون ..!

الشعر(حالة عشق)والنوم تخمين
والعشق مغنى/على الاهات موزون

ازيّن السجن لاحلام المساجين
واواسي الليل كِنّ الليل مغبون

يطردني الذنب / ماخفت موازين
الذنب في كفتين الياس مضمون..!

وان خانني الياس بين الحين والحين
اقول يالله عسى احبابي يعودون

خبرني الليل عن جمرة وسكين
وخطوة تشق الصدر/ بالهون بالهون

عشانها صرت واقف بين نارين
القلب سجاد / واهدابي يمرون

واصحى وانا ماغفت بالليل لي عين
اصافح الصبح / شايل غصن زيتون

واقول ياليل هونك عــ المحبين
وين احتجاجك على اللي مايحبون ..!

/
/

 

[عبدالإله المالك]

ناجيت الليل
فناجاك النغم الأصيل

سليمان تقبل الود

 

[وداد الجابري]

نص فاخر ورائع
سلم بوحك ودام قلمك
سجل اعجابي
أختك وداد

 

[وادرين]

الشاعر \ سليمان الشدوي

رائعة جدا

وادرين

 

[صالح العجيمي]

ازيّن السجن لاحلام المساجين
واواسي الليل كِنّ الليل مغبون




الرائع / سليمان الشدوي ...

الله عليك يارائع .. نص راقي يالسلمي

سلمت أناملك ،، دام فكرك ،، عاش قلمك

 

[عبدالناصر السديري]

سليمان دوومك شاعر جميل وعذب

 

[عبدالناصر السديري]

سليمان دوومك شاعر جميل وعذب

 

[عبدالله سماح المجلاد]

المشاركة الأصلية كتبت بواسطة سليمان الشدوي

ياليل/ ياساكن انفاس المحبين
ياليل/ وينك عن اللي مايحبون ..!

ان طال موالهم / ياليل ياعين
تتشجر اهاتهم / ويدندن الكون

ياليل/ قلبين / تخشع تحت صدرين
وقلبين متعلقه باهداب وعيون ..!

الدرب ماينتهي / لولا العناوين
والصبح ميعادكم ياللي تخونون ..!

وانا العناوين تاخذني على وين
اجاذب اهل الهوى يمكن ينامون ..!

الشعر(حالة عشق)والنوم تخمين
والعشق مغنى/على الاهات موزون

ازيّن السجن لاحلام المساجين
واواسي الليل كِنّ الليل مغبون

يطردني الذنب / ماخفت موازين
الذنب في كفتين الياس مضمون..!

وان خانني الياس بين الحين والحين
اقول يالله عسى احبابي يعودون

خبرني الليل عن جمرة وسكين
وخطوة تشق الصدر/ بالهون بالهون

عشانها صرت واقف بين نارين
القلب سجاد / واهدابي يمرون

واصحى وانا ماغفت بالليل لي عين
اصافح الصبح / شايل غصن زيتون

واقول ياليل هونك عــ المحبين
وين احتجاجك على اللي مايحبون ..!

/
/

وهذا النص ياسليمان يسكن قلوب المتابعين للشعر ولايرتضون له المغادرة أبدا
تشجّر هذا النص ليزيل التصحر من أرض الشعر مبشراً بقدوم الربيع الذي يسرّ الناظرين
ــــــــــــــــــــــــــــــــــ
البحر الذي كُتِبَ عليه هذا النص / كانت نوارسه وأمواجه الشعريه تفوق الوصف وتتجاوز حدود الجمال وتصاعد الجرس الموسيقي في النص أفضى به إلى معانقة شغاف الروح
صدقني ياسليمان / هكذا نص يؤكد أن المبدعين من الشعراء لم يغادروا أرض الشعر وسمائه وأنت هنا تبرهن على ماسبق ذكره بهذا الترف الشعري الوارف
فـــــــــــــــــــ(شكراً بحجم السماء والأرض ياشاعر الموسيقى الهادئه)