إنســان

[ناصر حطاب الدهمشي]

السـلام عليكم ورحمة الله و بركاتـه ..

مدخل :

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=right use=sp num="0,black""]يا زماني لا تضايق .. إن سهيت وقلت وِشُّو=أبك وِشُّو كان تجهل [هم داخلها كبير][/poem]

لهــا

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يا مبحره قبل أعرفك أعرف إنسان=فيني نما عايش على ذكرياتِه
تشكَّـلت فيه الأماكن .. و الأزمان=غطَّت على وجه الطموح إبحياتِه
جسمه نحيل و شايل بصدره أطنان=من معضلاتٍ إستباحت بذاتِه
غريب شيَّد من غياباته أوطان=تحفظ له إسمه قبل ياصل مماتِه
بيديه كون .. وداخل إعيونه أكوان=تحكي مسافات الرحيل و شتاتِه
دنياه تسرق من مشاويره الحان=و يشيلها صوت الحنين بشفاتِه
جا يرسمه .. لكن مجاهيم الألوان=خانت يديـه و صورت له رفاتِه
تايه و لا يعرف طريقه إلى الآن=يمشي ويسأل هالزمن عن جهاتِه
وتــْـمـرّه أحلامه سريعات و سمان=و الغيم فوقِه مندهش من ثباتِه
إن طاح حلْمِـه .. صارت آماله أركان=وإن غاب شوفه .. صارت أرضه عصاتِه
هالآدمي مثل الجبل لكن أحيان=أحس بإن الغيـم ماخذ سماتِه
لكن .. و ربـِّـك لو غفت فيه الأحزان=ما نام عزمه وأنتِ أعظم خواتِه

[/poem]

مَهْـرَب

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]ياعسى وجه الليالي للدمار=كانها ما علّمت حلمي يطير
وش خطاي إن كانت أحلامي حَرَار=مقيَّد.! أدري لكن إطموحي كبير[/poem]

شكراً لكل من قرأ
.
.
ناصر حطاب الدهمشي

 

[أمل الروقي]

إنسان

واقل حقوقه الحريّه

ناصر حطاب

طبت وطاب شعر يكتبك

هنا كنت انا

أمل الروقي

بكل الإعجاب والتقدير

 

[ناصر حطاب الدهمشي]

المشاركة الأصلية كتبت بواسطة أمل الروقي

إنسان

واقل حقوقه الحريّه

ناصر حطاب

طبت وطاب شعر يكتبك

هنا كنت انا

أمل الروقي

بكل الإعجاب والتقدير

كنجمة الصبح أنتِ ..
و وجودك إشارة لولادة حياة و أصوات جديدة
من القلب شكراً يا أمل

.
.
ناصر الدهمشي

 

[فواز الفهيد]

تشكلت فيه الاماكن والازمان .. غطَّت على وجه الطموح بحياتِه ..!!


ناصر ََ!!

السكوت في حرم الجمال / جمال !!

لله درك وكفى !!

تحيتي واعجابي !!

اخوك / فواز الفهيد

 

[ناصر حطاب الدهمشي]

المشاركة الأصلية كتبت بواسطة فواز الفهيد

تشكلت فيه الاماكن والازمان .. غطَّت على وجه الطموح بحياتِه ..!!
ناصر ََ!!
السكوت في حرم الجمال / جمال !!
لله درك وكفى !!
تحيتي واعجابي !!
اخوك / فواز الفهيد

الغالي : فواز الفهيد
شكراً ممطرة لك وعليك
سعيد بحضورك

أخوك
.
.

ناصر الدهمشي

 

[لافي الدهمشي]

أتابعك بصمت دائمًا ولكن أبت براكين الإعجاب إلا أن تتفجر
لتقول لك كم أنت مبدع ياصاحبي!!

صح لسانك أيها الأنيق ودام نبض ابداعك

 

[خالد شجاع]

ناصر بن حطاب
غريـب شيَّـد مـن غياباتـه أوطـان
...تحفظ له إسمـه قبـل ياصـل مماتِـه
ناصر أنت اليوم جاي ومعك
ألوانك ولوحتك الدعوى ما هي حروف و ورقه أبداً
تصدّق لو تعيد قراءة القصيده تقريباً كلّها صور
ولاحظ معي الصور ما هي " مفتعله "
صور تخلّي الواحد بدل من إنه يقرا .. يتفرّج
ناصر لشعرك " وجاهه " .
لأنّ عندي وجهة نظر في القصايد
فيه قصيده مثل الرجّال الطيّب القرم توجّه به عند الرياجيل
وفيه قصيده أعزّك الله والقارئين مثل السربوت أو الرخمه
فشيله لو تحطّه بين رياجيل
ناصر موفّق

 

[ناصر حطاب الدهمشي]

المشاركة الأصلية كتبت بواسطة خالد شجاع

ناصر بن حطاب
غريـب شيَّـد مـن غياباتـه أوطـان
...تحفظ له إسمـه قبـل ياصـل مماتِـه
ناصر أنت اليوم جاي ومعك
ألوانك ولوحتك الدعوى ما هي حروف و ورقه أبداً
تصدّق لو تعيد قراءة القصيده تقريباً كلّها صور
ولاحظ معي الصور ما هي " مفتعله "
صور تخلّي الواحد بدل من إنه يقرا .. يتفرّج
ناصر لشعرك " وجاهه " .
لأنّ عندي وجهة نظر في القصايد
فيه قصيده مثل الرجّال الطيّب القرم توجّه به عند الرياجيل
وفيه قصيده أعزّك الله والقارئين مثل السربوت أو الرخمه
فشيله لو تحطّه بين رياجيل
ناصر موفّق

الغالي : خالد شجاع
عفويتك و صراحتك أدهشتني حد الإبتسام ..
فشكراً من القلب لكـ

أخوك
.
.
ناصر الدهمشي