وضــحـــــــــى

[صالح الحمود]

.
.

وضحـى الضيا .. والاّ اللـظـى ..والاّ النضـيد مْــن الثـمـر
وضحى ..طشـاش النور .. واطياف البنفـسـج.. والضحـو

وضـحـى .. ثـجـاج الـصـبح .. وِغْنـايـة عصافـيـر النـهـر
تـغـزل خـيـوط الشـمـس فــي كفّينـهـا ..ظــلّ .. وْصـحـو

وضحـى ..عنيـده .. طايشــه .. متـمـرده ..تـرطش غـجـر
وضـحـى .. شقـيّـه .. طيـبـه .. متشيطـنـه آخــر شـقــو

وضـحى .. جميلـه .. فاتـنـه .. متناسـقـه .. حلـوه .. قمر
وضـحـى حــلاوه فــي حــلا .. ميّه عـلـى ميّه حـلــو

فـي جمَّـهـا الأزدي .. ترى (كشـكـول) مــن كــل الـصـور
وبْجسمـهـا المـبـري بـعَـد .. تمـثـال مــا مثـلـه اخـــو

وبعْيونـهـا الدعـجـاء.. دِجَــل كـهَّـان .. متـكـهِّـن خـطــر
وبْرمشـهـا الثلجي حـكـي .. مـتـعـوّدٍ يـسـقـط سـهــو

*وبـْفـمـّهـا القُـطْـري طـعــم حلقوم تركي ..مع شكر
وبْصوتـهـا الخـافـت .. نـغـم مـزمـار .. مــع رنّـة دلــو

وبْصـدْرهـا الــوارف تـعـذلـق خــوخـهـا لين اخـتـمـر
وبْخصرهـا الأهيـف .. وثــب ثعـبـان رمـلـي .. بــه زهــو

*وبْشعْرهـا المطفـي ..وِقَــف بطـريـق فـارع .. بــه فـخـر
وبْنحْـرهـا الأتـلـع .. أســد .. خـايـف عليـهـا مــن لـبـو

*اللهِ مـ اعـظـم حسنـهـا لا مــن مشـت وسْــط الـبشر
ما كـنـهـا الاّ جــدول ٍ فـــي جـنــة اصــحــاب الـسـمــو

*والاّ غنجـهـا* لـ اقبـلـت .. ثـــمّ ادبـــرت فـيـهـا ضـجــر
مــا كنـهـا الاّ عـارضـة ازيــاءِ فــي مـعــرض فـــرو

*فيـهـا الشـيـاكـه .. والـدلــع .. والعنجـهـيـّه .. والـبـطـر
فيهـا الكثيـر مْــن الحـيـاء .. مــع جــرأة المخـطـي عـفـو

*فيـهـا كِـبِـر عـنـتـر ابـــن شـــداد لامـنــه ظــفـــر
فيهـا تـواضـع مــن عـمـر لامــن وقــع بـيـده عــدو

*فيهـا .. عقـل يــازن بـلـد .. فيـهـا جـهَـل عـابـد بـقَـر
فيهـا غموض احمـد مطـر .. واكثـر وضـوح مْــن النـحـو

*احـيـان احــسّ بْطيشـهـا .. شـلَّـة سـكـارى..مــع نَـــوَر
واحـيـان احسِّبْـهـا كـــذا .. متْـرتـّبـه مـثـْـل..الـوضــو

*هيَّـا كـذا .. وضحـى كــذا .. كـلِّـش أوَنـطـه فــي غـجـر
لـو تـدري بْحبـي لهـا !! مــا جــت وهــي فيـهـا عـضـو


..
..