بوح....ي ؟!

[عبدالله صلال العساف]

نامو وحنا للسهر همّلونا
ناسٍ هواهم داخل القلب مانام

 

[عبدالله صلال العساف]

قال...\ماكنتوش (يابابا ) وتاكلّه ابماكنتوش؟
قلت\\ وانا لولا وجدوك كان شاركته مكنتوشه!
ياخالد لاتحرّك هالبحر خل الحكي مخشوش
ترى آذان البعض قامت تحرّا الهرْج بإرموشه
هنا في داخلي مو بس حمامه..للغرام اعشوش
تناساه الحمام وصبّحتبي خاويه ..اعشوشه

 

[عبدالله صلال العساف]

كل ماتاثق ابواحد جرحْك
كنّهم عالردى متواصيين
حلم غزه تحطم في رفحْك
فيك فاشل نظام الدولتين
حاز قاعك ولكن مافلحْك
حطّك ابرف مثل الباقيين
في عيون الشماته من اقترحْك
اكتمل هالنّصاب ابدمعتين

 

[عبدالله صلال العساف]

ذي بطاقة عرْس والاّ آهةٍ بين الضلوع
ليه في قمة افراحك يالقضي ابكيتني
جيت توقد شمعة افراحك على وهج الدموع
ليه من وطّنت نفسك عن ثراي اقصيتني؟
جبتلي دعوة زفافك والفرح طال الربوع
يرقص النوّار باطرافك وانا اظميتني
ماخجل وجهٍ ولا طرف انثنا لا ولاقلت امخدوع؟
قلّت الاعذار حتى لو كذب ما ارضيتني
كيف ترضا آصير ماضي إل تاريخٍ خدوع
انت من ضمن المعازيم ليه عدّيتني...؟
من متى؟؟ قلبك حسودٍ وخفّاقك قطوع؟
وليه حتى في تجافيك ....ماداريتني

 

[عبدالله صلال العساف]

غاصه
فيها من المال الكثير
واصناف من موت الضمير
ياما ربا فيها الربا..!
وقلّة حلالٍ مايصير
الاّ بإنقاصه

 

[عبدالله صلال العساف]

البارحه والشمس في اطرف الشال
راحت تداعبها الكفوف ابركاده
تعشّت من الجيد في كل الاحوال
ونامت على خد البخت والسعاده

 

[عبدالله صلال العساف]

تضحك وتضحك كل عينن تملاّه
تسكت ويزداد الصدى شاعريّه
رمشٍ صعد والرمش الآخر تحدّاه
وطبع المعاند زادهن جاذبيّه
الكرسي اللي ظمّها زادته جاه
والطاوله من اكفوف اديها نديّه

 

[عبدالله صلال العساف]

حبيبتي مرّيت اعايدبك العيد
يوم البشر قامت تعايد بعضها