هشاشة عرض

[عبدالله صلال العساف]

اخوتي....اخواتي...جميع الاحبه ...العابرين من هنا
اهديكم هذه القصيده ..آملا ان تحوز على اعجابكم
(...هشاشة...عرض..)
ينافيهم
ي..أنا فيهم
وهم فيني
نهيم ابّعْض
ليه اتضيّقون الارض
عأبن الارض
ليه ضاقت كثافة طولنا...بالعرض
ليه ماتتركوني ان جيت اغنّيهم ؟
والمسرح بدى مسْبور
منوّر بس بدون اشعور!!
يعاني من هشاشة عرْض؟
شعّارٍ تصيح وفكرها مثغوب
مشهدنا الثقافي صار بالمغلوب
والعاوز كده
يضحك على نفسه
كثييييير اللي فقد حسّه
وغشّوْ بعْض
لعب هذا الزواج العرفي ابعذريّة الساحه !!
عرفتي ليه
حطوْ كل قلمه في راسه مسّاحه؟
اعراض الثقافه صعْب تحديده
بجريده
جر ايده
الادب منها
وظلّت عالحديده
بدون اي ومْض
كم يضحك غباء الاسئله
إمن الاجوبه الاغبا
ثقيله يامتون الشعر...هالاعبا
خلّه...وإمض
في واحة غلاك
ازرع غصن حرْفك
ياهذا النهر
مافيه مثل جرْفك
على ضفة اعيونه القافيه تنشض
ع..هونك
كل ادلالهم لك فايحه بالرفض
ونصك غض
ومعاول نقدهم عميا
بليا ذايقه ولا ارض
يانصّي جو يشوهونك
ناس اتطّول ...بمتونك؟؟
تساما....ويقصروا دونك
ويزيد الفرق
بين البغبغا ..والبلبل الصدّاح
والشيكات حلت كل خزف فوّاح
ومايحتاج اشرح لك حدود اللو
كم ليتٍ تمرجح
في خطوط الأو
ولا تنهض
خط الاستواء...متعرّج الوجهه
وقطار افكارنا ماشي بلا وجهه!!
مايعرف سوى للركْض
يقل هالمحتوى
كل ماكثر هالكم
وصار الشعر جدول
مو ع خبرك يم
كتم مابه ولا فضفض

عبدالله صلال العساف