ذكائك ياخذك للشك // وانا ادري فيك كذابة // ( لا بأس بها )

[محمد العضياني]

اذبح شباك الضعف بالجفا والشعر
والاحترام للفيلسوف الذي يقول
اجمل من الحب الجامع // البعد الجائع


رجعت اللحين يا قلبي بعد غيبة غلاك سنين
غياب شهور ملعونة وصرت انسان تنسينه

وانا ادري فيك كذابه ولو بنساك ما تنسين
ضرورة عصرنا احيان تطعن شخص وتهينه

سهرتيني وانا ساهرك بين اشباه ومحبين
ذكائك ياخذك للشك وحبك يقطع ايمينة

تعدين الليالي عمر واحسابك على بعدين
يدق اللحين والاجد غير رقم شارينة

حبيبك شخص متقلب يحبك لكن ابشرطين
تحبينه وهذا صار بس باقي تحشمينة

اذا ناداك لبي له واذا عاتبك قولي زين
وهرج الناس لا يعنيك إذا من جد تغلينه

مبي اقدر وانا مقدر اصير لكلمتك تنوين
اصير اللي تبينه صعب لو ودك تصيرينه

يا بنت الناس شوفيني وشوفي حالتك تدرين
اكابر رجعتي يمك وانا ادري القرب تبغينة

وانا من كثر حبيلك تركت العيد والعيدين
ورديت الورود اللي تقول اليوم يا زينة

رماني الضعف بشباكه وحاربته بصمتي لين
ذبحته بالجفا والشعر ما ساومت رامينة

يلين الليل وهمومه وانا ما ضقت منه اللين
يبي يتعب مجافيني وانا ما شفت له بينة

درست الهم والغربة وعلمت الرجا ثنتين
حبيبن صد ما ارده لو ان الشمس بيدينة

يروح لواحد يرضى يذل الراس ومسيكين
يروح لواحدن حلمه يصير بقرب غالينة

رجعت اللحين يا قلبي بعد غيبة غلاك سنين
غياب شهور ملعونة وصرت انسان تنسينة


محمد العضياني

 

[عبدالله العويمر]

شُمُوخُك جَمِيْل يَامحمّد

وصَحْ لْسَانك

دُمْت بِخَيْر

 

[منتهى القريش]

رماني الضعف بشباكه وحاربته بصمتي لين
ذبحته بالجفا والشعر ما ساومت رامينة

الجفا قاسي .. ولكن يجب أن نشكره هنا ..
حيث أهدانا من الشعر أعذبه ..

وصباحك قصيدة ..

ود وورد ..

 

[عمرالمرواني]

.
.
.
محمد العضياني
نص راقي
دمت بود
.
.
.