رياضة موسم 2009 م -2010 م و دوائر أخرى ...

[سعد الصبحي]

مشعل ,,
في فرق بين الصرامة ومحاربة النجوم فان غال مالعٌب ريكيلمي الا يمكن 3 مباريات وحدة منها كانت مع اياكس
وسجل ريكيلمي وصنع هدف اعتقد ,,
كان عمره 22 سنة يعني جاي يبغى يثبت نفسه لكن تجاهل فان غال هو من حطمه ,,
شوف تعامل ميلان مع رونالدينهو يخطيء ويصححون يضعون ثقتهم فيه مو يطرده على طول ,,
انت عندك كنز حافظ عليه بكل ماتملك

امٌا الدب مارادونا
سيجعل من ريكي شماعة لتعليق فشله الذريع في التدريب ..

 

[عبدالعزيز رشيد]

بريمنvsبروسيا مونشنغلادباخ
3-1
بيتزارو عاد لتشيلسي طمعا في أن يكون جزءا من مشروعه لكنّه صدم بالرفض! والأسوأ من ذلك أنّه قد عبّر عن رغبته باللعب مع تشيلسي على حساب بريمن لكن تشيلسي أعاره على كلّ حال لبريمن وهاهو يحرز هدفين! - اللاعب مفصّل لبريمن تفصال (":


فولفسبورغvsهامبورغ
4-2
بعد تقدّم هامبورغ بهدفين عاد الذئاب ليتعادلون بمعاونة من الاحتياط مارتينيز الناجح لكن هامبورغ مصرّ على فوزه

 

[مشعل الغنيم]

*

أهلاً سعد،
رأيك تقريباً مطابق لرأي عبدالعزيز، وأنا ما اختلف معك أو معه على موهبة رومان، بالعكس.. أنا من أشد المعجبين بطريقة لعبه وقراءته للمباراة وقدرته على تقاسم الملعب مع لاعبين آخرين. هذا كله شي واحترافيته شي ثاني. ريكلمي تخلى عن اكثر من نص دخله السنوي ورجع للبوكاجونيور، ليش؟ لأن التمارين والانضباط في الارجنتين أقل صرامة من اوروبا، والحين يفكر باللعب في الخليج العربي لعدم وجود أي انضباط ولا حتى تمارين حقيقية - على خطى صديقه اللدود جونينيو برومبكانو. وعلى فكرة.. اللي سميته أنت محاربة النجوم هذا للسيطرة على الفريق لا اكثر، كابيلو معروف بهذي التصرفات وآخرها إقصاء رونالدو (الفونومينو البرازيلي مو البرتغالي ابو المكياج) وبيكهام والزج بلاعبين محد يعرفهم مثل غاغو وهيغوين وتوريس الظهير الصاعد من الناشئين، تحول بعدها الريال من فريق مفكك وضايع ومستسلم لبرشلونة لفريق منظم استطاع خطف البطولة من أندية كانت جاهزة أكثر منه في بداية الموسم
لكن وش رايك باللي يقصي من فريقه أكثر اللاعبين انضباط وموهبة؟؟ هذا مورينيو الغبي اللي رفض كريسبو وكروز وستانكوفيتش والأغرب إنه اول ما استلم الإنتر اقترح بيع كامبياسو!!!!!! إذا هذي الاسماء اللي ما يحبها ياليت نعرف الاسماء اللي آمن فيها هذا العبقري و " السبيشل ون " كما يسمي نفسه: خواريزما، أدريانو، إبرا - وكلهم خانوه. إبرا طلب ترك الفريق وأدريانو " خرج ولم يعد " وخواريزما مجرد 24 مليون يتحسر عليها موراتي كل ليلة

وراجعين الليلة للنتايج.. (:

 

[عبدالعزيز رشيد]

مشعل ..

بالنسبة لفان غال المسألة ماهي انضباط كثر ماهي تسلّط رومان حالة لكن غيره حالات كابيللو فيه مشكلة ماحبّها فيه إذا ماحبّ لاعب قال انت مانت مرغوب بالفريق ولو كان الفريق ولد النادي أو نجمه وهذا الشيء يخلق مشاكل مثل ماصار مع مونتيللا بسبب قصر قامته لكن بنفس الوقت للأمانة كابيللو أغلب تصرّفاته انضباطيّة في حين فان غال أجده متعجرف ولو كان ممتاز,مافيه مدرّب مافيه عيوب أو نقول خلل طبيعيّ يحدث بين لاعب ومدرّب لكن مثل انشيلوتّي ماشفت بهالناحية

 

[عبدالعزيز رشيد]

على الطاير تساؤل (":
طالما أنّنا في شهر رمضان ومباريات كثير تجري بالنهار وش رايكم بالـ لاعب اللي يفطر؟ وهل تعذره؟؟

 

[فهد حمود]

:
ياعبد العزيز مافية مباريات في نهار رمضان ............

 

[عبدالعزيز رشيد]

إلا فيه بالدوري الأوروبّي

 

[مشعل الغنيم]

*

هلا بو سعود،
خلنا بنرجع لموضوع المدربين لما يحمى الدوري ونحمى معاه اكثر (:
بالنسبة لموضوع الصوم فتزامناً لكلامك الأزهر أفتى قبل أيام بجواز الإفطار يوم المباراة وعرض التفاصيل والأدلة
طبعاً أنا عرضت رأي الأزهر لأن عرب ومسلمي أفريقيا هم أكثر من يتعرض للعب في نهار رمضان ولكن لاعبي المنتخبات والفرق المصرية كانوا دائماً يلعبون وهم صيّام، وعلى ما أذكر لاعبي النيفيا لعبوا قبل عشر سنوات في اليابان وحان وقت الإفطار في الشوط الثاني - من حسن حظهم. أما المحترفين في أوروبا فنحتاج لسؤالهم شخصياً.العام الماضي أثارت الجزيرة الرياضية القضية وإلتقت بلاعبين مسلمين مثل إبراهيم أفيلاي " هولندي- مغربي " وغيره لكن لظروفي الخاصة ما كملت المتابعة ولا أخذت الزبدة (: