هات لي قصيدة وعلاقتك الـ شعريّة معها

[عبدالعزيز رشيد]

لـ [رشيد الدهّام]
قرأتها وبـ صراحة من كلّ قلبي قلتها في نفسي " اقسم بالله انّك كتبتني واقسم بالله أتمنّى لو أنا اللي كتبتها!" تعجّبت من ضيق القافية وكيف قدر يتحرّك بالنصّ رغم وجودها فكانت دليلا على ضيقة أعرفها جيّدا

يا بعد من قبلك عشقت وعشقني
ـــــ أقول لك لو قلت..صدَقت؟..صدقت
وأقول لو ما قلت: واللي خلقني
ـــــ أشتقت لك..واللي خلقني لك أشتقت
انت أضمنك والشك بك ما لحقني
ـــــ لا شك لوكنت أضمنك ماأضمن الوقت
حبل الرجا لو ما قطعته شنقني
ـــــ وحبل الوصل لو ما عقدته..تعلقت
كتمت صوتي لين صمتي نطقني
ـــــ وعتمت شوفي لين بالقلب برقت
في حزني اللي لو ملكته عتقني
ـــــ وفي طبعي اللي لو فشلته تفوّقت
أنا كذا من يوم ربي خلقني
ـــــ ماأعرف أوسع خاطري لا تضايقت

 

[الجوهرة]

..::..

أعشـق هـ .. القصيـدهـ ..
لـ / درجـهـ إني سجلتهـا بـ / صـوتي .. عام 2006 وللحين موجود (:
ذكريااااااات أحبهـا


مـوادع فـي رجـاك اليـأس لكـن صعـب نسيـانك
تفـارقنا مثـل ماجمعتنـا صـدفهـ الاقـدار
أنـا فـي نـاظري دمعـهـ تعاتبـني لـ .. فقدانـك
واشـوف الهـم فـي الخـافق سـرى مـن جنتـك لـ .. النـار
مـعي ذكـرى ولكـن فـاقد|ن| شـوفك وعنـوانك
بـلا مـوعد تفـارقنا ولا أدري بعـدها وشـ .. صـار ؟
تسـافر بـي عـلى الذكـرى جـروح الصمـت واحـزانك
واسـافر بـ .. الـدروب التـايههـ واقـف بهـا محتـار
معـك تغريـني البسمـهـ وروعـهـ كلمـهـ لسـانك
ويبقـى مـن صـدى الكلمـهـ لـ .. صـوتك فـي حشـاي أسـرار
زرعـت الحـب فـي قلـبي وعـزيتهـ عـلى شـأنك
اخفـي عـبرهـ المغـرم واعيـش بـ .. حسـرهـ المشـوار
غـريب|ن| ماشكـى الغـربهـ بعـد ما عـاش بـ .. أوطـانك
ورحـتي وصـار مـن بعـدك مـع العـالم غـريب الـدار
اشـوف بـ .. لـوعهـ الايـام حـرماني وحـرمانك
تمـوت احـلامنا حسـرهـ ومـن جـور الـزمن تنهـار
مـوادع فـي رجـاك اليـأس مهمـا طـال هجـرانك
يعيـش الجـرح فـي قلـبي ويبقـى للـزمن تذكـار !

لـ .. الـوافي : ..................
محمـد بن ابـراهيم

..::..

 

[عبدالعزيز رشيد]

الجوهرة
شكرا لـ جوهرة اختيارك
تحيّتي

 

[عبدالعزيز رشيد]

المشاركة الأصلية كتبت بواسطة عبدالعزيز رشيد

لـ [رشيد الدهّام]
قرأتها وبـ صراحة من كلّ قلبي قلتها في نفسي " اقسم بالله انّك كتبتني واقسم بالله أتمنّى لو أنا اللي كتبتها!" تعجّبت من ضيق القافية وكيف قدر يتحرّك بالنصّ رغم وجودها فكانت دليلا على ضيقة أعرفها جيّدا

يا بعد من قبلك عشقت وعشقني
ـــــ أقول لك لو قلت..صدَقت؟..صدقت
وأقول لو ما قلت: واللي خلقني
ـــــ أشتقت لك..واللي خلقني لك أشتقت
انت أضمنك والشك بك ما لحقني
ـــــ لا شك لوكنت أضمنك ماأضمن الوقت
حبل الرجا لو ما قطعته شنقني
ـــــ وحبل الوصل لو ما عقدته..تعلقت
كتمت صوتي لين صمتي نطقني
ـــــ وعتمت شوفي لين بالقلب برقت
في حزني اللي لو ملكته عتقني
ـــــ وفي طبعي اللي لو فشلته تفوّقت
أنا كذا من يوم ربي خلقني
ـــــ ماأعرف أوسع خاطري لا تضايقت

ومرّه ثانيه (:
نفس الشي

 

[عبدالعزيز رشيد]

لـ [محمّد بن فطيس]
بعد سماعها وبعد أن قيل هي لمحمّد قلت :هذا هو محمّد بالفعل كما كان يقول من دافع عن فوزه باحدى المسابقات قبل سنتين

قبل ما حظي من الدنيا يجمّد
ـــــ ما احسب يومي ولا احسب مروره
يوم كان اسمي «محيميد» اتحمّد
ـــــ كان مسموح انظره وارقى لسوره
احذف الكورة على بيته تعمّد
ـــــ لجل اجي واقول: «ما حد شاف كوره»؟؟؟!
واستلذ بشوفته توي واكمّد
ـــــ بالوصال جروح فالصدر محكوره
وقت واحرقه الزمان ايلين رمّد
ـــــ ما يعود لو يدور الفين دوره
راح من عمري وقدني ذا محمّد
ـــــ صعب حتى شوفته في وسط صوره

 

[عبدالله العويمر]

صاحب الافكار الرائعه

عبدالعزيز





استمتعت بوجودي هنا بصدق






سأتابع بفرح

 

[أحمد الحربي]

مَراحب عبدالعزيز ,


هذا النصّ قَرأتُه قبلَ أربعِ سنواتٍ تقريبًا , هُو أوّلُ مَا قَرأتُ لـ هَذا الشَّاعِر وَ آخِر مَا قَرأتُ لهُ ,
وَ مَنْ حينهَا بحثتُ عَنْ نُصوص أخرى وَ لمْ أجِد سِوى هَذَا النص الْكَافِي شِعْرًا ,
هَذا الشَّاعِر مشكوكٌ فِي اِسْمهِ بالنسبةِ لي ,
بحثتُ عنهُ في النت وفي بعضِ الأعداد القديمَةِ لبعض الْمَجَلاتِ الْمَوجودةِ لدي ,
حتَّى في صفحاتِ القرّاء , ولمْ أجِد شيئًا حتّى الآن .
- تزامن بحثي عَنْ شعره مع بحثي عن شِّعْر : خالد محمّد الحيدري ,
والذّي تبيّن أنْه اِسمٌ تخفَّى خَلْفَه الشَّاعِر الْخَطير : تركي حمدان . -




شاعرٍ يُرثَى لـحاله :
لا تلوميني و أنا طيري غرس فيني إرتحاله
ـــــــــــــــ بعد موته ما ورثت إلا شقى روحه و جناحه

مو صحيح إنك وطن مهجور ما يغري جماله
ـــــــــــــــ الوطن شي أشيله في الصدر عشق و مساحه

ما هو حدود .. على نفوس البشر هم و عاله
ـــــــــــــــ ما هو حقوق بزمننا كل لحظه مستباحه

لجل هذا ما سكنتك يا اللي في دمي خصاله
ـــــــــــــــ طرت عنك .. شايلك زاد و أغاني و ظل واحه

انتي يا ريح تشيل جناحي للعليا و أطاله
ـــــــــــــــ انتي يا جو عجزت آطير لو تسكن رياحه

ما رحلت إلا لأني شاعر يُرثى لحاله
ـــــــــــــــ شاعر لو يستقر فـ أرض .. تتناسل جراحه

شاعر إيقلّب الدنيا إجابات لسؤاله
ـــــــــــــــ رحلته بحث .. فـ عنا الرحله أمانه و إرتياحه

شاعر يركض لجل يسبق صدى صوت إبتهاله
ـــــــــــــــ و إن تأخر .. داخله حزن يقطع به نياحه

شاعر كنز الأراضي ما غراه و لا هنى له
ـــــــــــــــ شاعر بأضيق مساحات الورق .. يلقى إنشراحه

شاعر مرهون بين العقل و ما بين الثماله
ـــــــــــــــ شاعر يطارد المعنى لجل يطلق سراحه

شاعر يستبسل فـ أرض الغرام و يوم جاله
ـــــــــــــــ نصر من الله يموت ويلقى في موته نجاحه

شي أشبه بالحقيقه لما يكتبها بخياله
ـــــــــــــــ بالنشيده اللي حزنها و إنتحابتها فصاحه

شي ما له إسم .. ما له لون ما له صوت ولا له
ـــــــــــــــ دين و ملّه .. فلا هو خداع ولا ما هو صراحه

قلت أحبك .. ما كذبت و قلت أبرحل دون هاله
ـــــــــــــــ أدري لك في القرب راحه .. بس لي في البعد راحه

المسافه ..؟ شالمسافه ..؟؟ دام للبعد إتصاله
ـــــــــــــــ المحبه ..؟ شالمحبه ..؟؟ لو تضيق فـ قلب ساحه

اللقا...؟ هو أي لقا اللي ما هو مكتوب بزواله ..؟
ـــــــــــــــ لما سحر العشق يرمي عن جلالاته وشاحه ..؟

كل وضوح للزوال و كل غموض يغري شاله
ـــــــــــــــ يوم يخفي سر حب تنتظر يكشف صباحه

لا تلوميني و أنا طير حمل بيده رساله
ـــــــــــــــ لا هو يدري منهو صاحبها .. ولا من له صياحه

لا تلوميني و أنا طير مقدّر له إرتحاله
ـــــــــــــــ طار عنك .. لكن إنه .. شايلك ريشه فـ جناحه

فاروق عبدالله

 

[عبدالعزيز رشيد]

نور أوّل ياعبدالله العويمر
فرحت بشوفتك
.. حيّاك




أخوي:أحمد الحربي
فاروق عبدالله الاسم موجود بجسد الثقافة وهو شاعر بحرينيّ وكذلك له اسم مستعار ممم مدري وش كان بس نسيته وكذلك هو كاتب قصصيّ ممتاز لكنّه متواري تقريبا عن الأنظار ولعيونك جبت لك نصوص له (":


(افرشي احضانك)

.
الذنوب استوطنتني
ارجموني بـ قلوب
وما يفيد
ما سوى دمعك يا أُمّي
اتوضّا به واتوب
.
.
.
ما بقى غيري وظلّي
يرسمه لون انكساري
باتبرّا
من جلودي
من حدودي
ترتعش فيني الحواس
الضيا الأعمى يمر من الشقوق
اسمع الصامت رعود
والفظ الغامض بروق
ترجف ضلوعي
ادوّر عن وطنْ
يالله يمّه
ياللي صدرك لي سَـكَـنْ
الخشوع اجتاحني كلّي وبكيت
السما بـ روحي تِهَـلّي
يالله يمّه
افرشي
احضانك
باصلّي
.
.
افرشي احضانك باصلّي





(لعبة التفجير)

(((1)))
.
.
.
.


رخى صمت اللّغة كفّة .. وقَـلَّب موهبة تبصير

تشكّل هالزمن ريشة فـ يديني ... وقلت باضـمّه
.
.
.
وقمت ارسم شكل ثاني .. لكل وجه احتوى تقصير

من الطين،...و يَد النحّــات ...اذا ما تسعـفه ذِمّـة
.
.
.
.
.
.
(((2)))
.
.
.

و

جبت الذيب من راسه..

....................وفاء لـ ربّة التفكير

و

خل ذيله لـِ مِن يرسم

.................حدوده فـ لبسة العِمّة

.
.
.
.
.
(((3)))


انا امشي والسما تحتي.. ولقيت غواية التفسير!

ولا تفـسيــر غير انّـي.. أنــا إبنٍ نـِجَـب أُمّـــه
.
.
.
.
.
.
(((4)))

عطيت

....لـ كلّ

....... شـــي

............اســــم

.............و رِفَضت

.....................آسمّـي

.........................التغـيـيـر ...

......................وقلت

...............لـ واقعي :

..............انتَ

......... أُبوه

.....تفضّل

و سَمّه
.
.

.
.
.
(((5)))
.
.
.
.
.
.

تعال نشكّـل الدنيا حُـروف بـ لعبـة التـفـجيـر

تعال......نفصّل ...... الدنيا ...... على ...... قَدنا ...... بِكِل ...... هِـمّه