بوح....ي ؟!

[عبدالله صلال العساف]

الا ياجدار البيت ماشفت راعي البيت
بشّر. عسى للحين يذكر محبّينه

انا من سنه وشوي بحذاك مامرّيت
وآحس روحي تسبق اشفاي عالوينه

 

[عبدالله صلال العساف]

اشعل الصمت من عود الكلام
وأنفث من الحكي لين انثره

وردتي هالضيا فيك استهام
وكل غصن إبّهاك اتشجّره

من قعد هالتّرف كل رمش قام
ايتصفّح. حكاية مرمره

حتى ثوبك تعدّاه الملام
يوم كل عضو فيك استثمره

 

[عبدالله صلال العساف]

عين ن على فرقاك تعقد قرانه
طلّق غلاه وقابل الصد بالصد

 

[عبدالله صلال العساف]

انا ياهالقمر مثلك
بعيد إعن اليحبوني
اجي مثل المطر والغيم
محمّل بالندى والديم
ويسدّون الدرايش
بس يشوفوني

 

[عبدالله صلال العساف]

صبّي السهر خلّي الفناجيل تروى
الليل بعيونك لقا ....من يسلّيه

 

[عبدالله صلال العساف]

يبكي مثل ناي ن على ثغر طربان
والناس معميها الطرب عن شجونه

 

[عبدالله صلال العساف]

تيتّم اللّهجه ......ويذبل.... عبيره
إذا أنحرمت بيوم من قول يمّه

ثلاثة احروف ن. .ولكن.. مسيره
بين الشفايف ...ماتضاهيه نغمه

دمع الهدب صارت رموشي جفيره
لكن إدموع الرّوح ..وشلون ألمّه

نكبر وتصبح ...بالمقابر ....عشيره
اكبر من اللي خارج السور ظمّه

الناس اوراق .......بدفاتر كبيره
لقرائته اكفوف الزمن... مستهمّه

عبدالله صلال العساف

 

[عبدالله صلال العساف]

اصحاب لكن مابقى للعتب دور
مابيننا ..وطب الجفا ..بالتّجاهل

آلف من شان المواصيل وآدور
واوغل ابروحي حيل كثر التماهل