ماهو والله ياحبيبى فالعيون
شى(ن) أكبر ماوعاه اللى قرى
أتلمس وقتى الجافى حنون؟
واتكفن داخلي قبر وثرى؟
وكم بكتني حزة الضيقه سكون
وكم جفوني أقراب وأصحاب أعشرى
وكم هديت الدمع ضحكات السجون
وكم بكيت اسكات خايف من زرى
مافهمت ولا فهم ليل الشجون
غيرحزنى غير دمعي اللىجرى
وان حصل قل لثريا هو يمون
شاعرك ثامنك والتاسع سرى
مايموت الحلم فى شرعه غصون
بذرته أنفاس وأرواح وكرى
من وفاه الضيم أوفاه الديون
وأن برى فى جرح غيره مابرى
شاخت سنينه وهمّه يشتكون
عزةٍ وأمجاد عيّت تشترى
واقف وأشياء نادت يستحون
ضيقةٍ والهم خبزه لقصرى
صانها والوقت مايعرف يصون
وخلته فى خافي العالم درى
والعيون أسوار بغيابك تكون
والقلوب أبواب حزني بك ذرى
أسأل أيامي يجون أو مايجون
وش ورى هالعمر قلي وش ورى
عادل العواد
آخر المشاركات
12-10-2007, 06:09 PM
وشـــــــــــــــ ورــــــــــــــ ى
العرض الشجري