الــوحـدهـ .. عنبــــر 7

[أحمد البلوي]

.

السلام عليكم


صباحكم مرايا شعريه تعكس بصفاء وجه الشعور

صباحكم كصباح من حوالي

أمي وأحبتي والحي والشوارع و صديقي عامل البوفيه المواطن باللذه ( ابو عمار) ..





من المتتع أن يجد الشخص أيادي بيضاء تصافحه في هذا الزمن المعتم

ومن الممتع ان تجلب لك هذه الأيادي الضوء والحب

من هذه الأيادي

كانت أيادي

الإنسان خالد الدأودي



لكم الحب وله الشكر على الدعوه







أمّا بعد

[POEM="font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]وإنّــه يــا خـالـد الـــدأودي=من رحلـة إطلاقـي إلـى أصفـادي
جيتك .. وقـدح السالفـه بزنـودي=وأخـاااااف قلـة معرفـة جــلادي
جيتك .. وقـدح السالفـه بزنـودي-وأخـاااااف قلـة معرفـة جــلادي

اللـي يفسـر بالخطـاء مقصـودي=ويصبح بوادي / والقصيد .. بوااااادي

والشعـر فنـي ورّثـوه إجـدودي>=ليّه .. وورّث هالقصيـد > أحفـادي


يا خالـد إسمـع دام هبـت نـودي=ولو فسروها عكس ماْبغى .... عادي


اليـوم أبويـه بُِـشّـر بمـولـودي=وجاه جـدي مـن بعيييييـد ينـادي

سموه: أحمـد .. والله إن مقصـودي.=يصبـح سمـيٍ للنبـي الـهـادي


ونشئـت مـورق للمحبـه عـودي=أحبي على صـدر التعـب لأعيـادي

والحـي غنّـا .. وميـلـن ورودي=الريح كنّـه صـار صـوت الحـادي

والبيـت يحفـظ كيـف يبـدء زودي=والحوش يرسم ضحكتـي وعنـادي

مْن العِشاء .. كـل العبـاد رقـودي=ومن فجـر ربـي للصـلاه منـادي

وللمدرسـه طعـم النـدى بخـدودي=أمشي وأغني : سارعي يـا بـلادي

قالولـي الأقصـى بيديـن يهـودي=وقالولي بكره > ننتصـر > وتعـادي

وكل يـوم أجـدّد للسـلام وعـودي=وأكبر .. وتصغر رجعتي لأمجـادي !

شرهـة ورودي لأحقـه بــارودي=والأظلـم اللـي بالخطيـه بـادي !!

بأرض الجزيره لو رسمـت حـدودي=أتعنّصر الحزنـي وجـرح أجـدادي


واليوم شفنـي حيلتـي بـردودي !!=وأقصاي حنّ الجرحـي البغـدادي !


وحنّيـت أنـا يـا خالـد الـدأؤدي=الوحدتي .. والعنبري .. وأصفادي !![/POEM]

محبتي


أحمد عايد البلوي



.