عصفوران بحجر كريم..

[خليل الاحمد الشهري]

أحدهما حاول إقناعي بجدواه أمام المُحب..

واطل مْن الهَقَاوِي صُبح..!!
ويَتْبَادَى مَعِي طَيْفِك..
وَلَكِنْ لِلأسَفْ صوتِك.
..تَعشَّى صَمت جدرانك..
هَوَ المورق إذا كان الندى لك نَفْح..
وَغَيرك مَافِتَح صُبح المكائِن في كفوف الدمح..
تفدَّاك الغسق واهْدَى لآخر هَالمَدَى دَمِّك..
تكاثرنا عَنَا حِنَّا..
وتَكَّـا هَالأثر رايق
يمشِّينا على كيفه..
على كف البكا غنَّا..غِنَا فايق..
واْهدهد فوَّهَةْ صَدر الكَمَان ولا يجِيبك لَحْن..
..........//وانا من قبل دوزنتك حِمم والخاسر يدينِي..
اجِيلِك مثل هَالحِنطَةْ وَانَادي يَالقَانَا...طَحْن..
...........//واروح وينكسر خاطر رحانا قبل يمدينِي...
اصب مْنَ الْوجِيه اَغْلَب تَجَهُّم لَو تَكَذِّب سِحْن..
.........//وارد استسلم بحلمِي قَبل لا الغفوَةْ تِهدِينِي..
بَغَيْت اتْحَايَن الصَّحْوَةْ وَقِلْت ان الفجر لَم يَحْن..
.....//.وَصُرْت اَصْحَى مِن اْحيَانِك افجِّر جِفن مِقدِينِي..
وَيِغْفَابِك..ركام الوَعْد..
وانَا اتْرَاكَمْ عَلَىْ بَعَادِك..
رَغم ان السَمَا اصفَى./.
رغم تودِيهَة المَرْفَى...
ولكنِّي/ اشوفك رعد..
لأن الشوف أصدقنا..اذا خانت مسامعنا..
تقول أعمى..تقول اسمى النوايا بُعد..
واقول ادمى..اذا كان المفارق وعد..
تبي اوضح..على خشمي..
افا وشلون تتركني/ كذا وحدي
............افا وشلون ترميني /ليد الغير..
على كيفك تخليني/ وانا وجدي..
...........يسولفبك على قلبٍ /يبي تبرير..
احبك ليتها كلمة /هنا تُجدي..
.............احبك ليتني اقدر واجيلك غير..
لجل عينك تنقِّيني /واجي بعدي..
...........مثل ماودها عيونك /كذا باصير..
تعبت وربي الخالق/ متى تهدي..
..........لقلب من رشا ظلمك/ غدالك بير..
تشوف الفرق
تشوف الورق لاناحت..
................على غصنك..
تشوف شموع
....... لا ساحت على جفنك..
تشوف الفرق..
تشوف الليل لو يصبح ـــــ كذا مُبهم..
وحلمك ينتحر يَِحْيَِا..
ويَحْيَا مَنحر احلامك..
تشوف الفرق..
تبي أوضح.ـــ.أنا..آسف
وش اللي حدِّني..أكتب وانا اللِّي شَرْق..

هِنا سنبلت لك صوتي على ذِمَـةْ حَصَاد اذنك..
.......//هنا وشوشت لأنفاسي..تجيلك قبل تستأسد..
ويبدا فجرنا بُكرة
..ويجرِفنَا..مثل مُكرَه..
وبكتبلك..
واْكِيل القَمح مِن صَدرِي واطَفِّفْ للْرَحَى صَوتِك..
"":....كِذَا وَاخْبِز مِن طِيوفِك حَكَاوي عَصفروها الناس..
.
حبست الريح في قيدك رضا من جاع في قوتك...
"":.....حسبت الشيح في بيدك عطا لو يخذلك نسناس...
.
اجي من صرخة الوادي جسد يسكن وسط موتك...
"":.....وارد اتحايل جفوني جدار ومارمش لي ساس...
..
تبي أوضح.
.تعال اقرااا
اذا كان اللقا بكرااا..
..اذا صار الدمع ينضح..
تبي أوضح.
تعال وننتظر بكراااا!!
تعال وننتظر بكراااا!!

***

 

[محمد الضاوي]

وااحد !



/
\
/


م / ضـ

 

[عبدالرحمن الغبين]

اجِيلِك مثل هَالحِنطَةْ وَانَادي يَالقَانَا...طَحْن..
...........//واروح وينكسر خاطر رحانا قبل يمدينِي...

آه، هنا أتوقف.
وسأعاود القراءة والقراءة والقراءة.
لأن لها هنا متعة أكبر من الكتابة.

 

[خالد صالح الحربي]

:

نَصٌّ مُتَكَامِل ياخليل هذا الذي قرأت .
لَمْ تأتي من خلاله لِتُهْدِر الحبر عبَثاً ..
بالرّغْم من طُولِه .. أجِدُكَ أجدت في بِنَاءِه وَ غِنَاءِه مَعاً ..
_ كُلّ الشُّكر لكَ على هذه الكَفّارَة _

 

[محمد عيضه]

خليل

نصوصك موسيقى أخاذة ...تسرقنا من كسل دمائنا وأحاسيسنا

وتعيدنا الى ذواتنا...

الى نص آخر نتقاسم معك الموسقى والحنطة


محبتي

 

[محمد السالم]

نصّ باذخ بالشِعر وليس هُنا غير الشِعر


دعني اقول لك شكرا ثم شكرا ايضا شكرا

من سويدا القلب يا خليل

 

[أصيله المعمري]

فقط سأقول




لا ألوم خالد صالح الحربي في حبك والشعر











كالسماء وللسماء دوماً

 

[عبدالله سعيد]

:

كلمات تفوح حنين وشاعرية يابو أحمد
في كل حضور اجدك شعرا يا خليل
دمت بالوعي

: