طالت مشاوير الضما والخوف لاقلّ العزم
الصيف يجلد بالضما والدرب طالت ساقته
***
تعربد البطش وهفا ياانتصر ياأنهزم
مدامه الضيم احتدم واومت بيارق فاقته
***
مانيب والله سيبويه اللغوي وابن حزم
انا الفقير لربه اللي الناس حلمه باقته
***
باللولسه والبهرجه والكذب رصات ورزم
لكن برغم اللي جرى قلبي تقوّت طاقته
***
مالي وتعقيد الامور وزم مالانفع زم
في هالزمن ينخاف حتى لو يقدم باقته
***
تعاوت ذياب الجفا والجرح شف كيف ارتزم
يابري حالي والوفا كسير يبكي ناقته
***
ياصاحبي ادري القزم يبقى قزم يبقى قزم
وأن الحلا له يوم بذن الله نعرف أذواقته
***
قلبي اذا عاهد وفا يعني بما قلت ألتزم
والنور مهما الليل ضامه ماتغيب اشراقته
***
مع كل الحب لمن مرّ من هنا ..
محبكم / متعب بن محمد بن زبار بن حشيان
آخر المشاركات
07-11-2006, 07:39 PM
(( ياأنتـصر ياأنهـزم ))
العرض الشجري