كبار كنّا/مصافحة حب للمكان وأهله

[طلال بن نايف]

[POEM="font="Simplified Arabic,5,sienna,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يسعد صباح المدارس والشذى والعطور = كم حلوة(ن) هب هذا الصبح مريولها
ويسعد صباح الحقيبة والكسل والفتور = لو زودتها كتاب تطيح من طولها
ذا مدخل الحي والاّ ذي حديقة زهور!! = هالدرب ضيّق لكن الدار بنزولها
من جد لامنهم قالوا السعة فـ الصدور = لو قلتها تصدق الكلمه ومدلولها
من قبل عشرين عام ونيف كانت بدور = تجي هنا آخر الحلوات بوصولها
متمايله كن الارض اللي تحتّها تمور = والاّ مهي شايلتها يمي..رجولها
وانا انتظرها واطير من الفرح والسرور = لي جات الللله جات ..ويبتسم لولها
يسمع ابوها..اخوها..ان كلموني اثور = جاين ليّه انا ..طب ما تروحولها
ومرات اجي جنبها..واطيح كني 00امعثور = حتى تطيح الكتب ..والم من حولها
وترمي عليّه رسايل شوقها في سطور = مرات تجرافها.. مرات كشكولها
شقاوة اطفال ..مدري طيش مدري غرور = الحاجه اللي نبيها لازم نطولها
كبار كنّا بيادينا زمام الامور = وصغار صرنا..نحسّب ردة افعولها
كنّا نقول البعيدة ياتجي ياتغور = صرنا نقول البعيدة دونها زولها
كانت إرادة تغير في ملامح عصور = صارت علينا العصور تحتّم حلولها
تدرون ؟!ما ودي ازعج هالبها والحضور = لكن معي كلمتين ارتاح واقولها
غصب(ن) يكون الصباح اللي دعيتوه نور = وكل(ن) طوت لون ليلتها فـ مجدولها
وغصب(ن) على الارض لو قالوا تلف وتدور = تستعجل الشمس تصحى لجل تصحولها[/POEM]








..تحيتي

 

[عبدالله ثويني المانع]

..

طلال بن نايف

أهلاً وسهلاً بك في أبعاد أدبية
نتشرف بحضورك ونحتفي بنورك

تصافحنا بالشعر والعطر
أكثر من رائع
أرق التحايا لقلبك

..

 

[طلال بن نايف]

كل الشكر كله لك مشرفنا:عبدالله
كريم أنت ـ والله
..ولي الشرف بالتواجد بينكم



كل التقدير

 

[محمد عيضه]

طلال بن نايف

اسم له تثقله في الشعر

احببته قبل ان أقرأه وقرأته فأحسست بدهشة النص تتجدد بداخل

طلال...الشعر جميل فعلا

محبتي من قبل ومن بعد

 

[خالد العقيل]

طلال بن نايف
سعيد بــ مروري هنا
ومصافحة هذه الرائعة
تقديري

 

[محمد الضاوي]

طلال ..



و كم قلب هب هذا الحضور في دااخله !




تحيه تليق يا شاااعري


/
\
/


م / ضـ

 

[قايـد الحربي]

طلال بن نايف
ـــــــــــــ
* * *


أهلاً وسهلاً بك في أبعاد
ونتشرفُ بحضورك ونورك .

مصافحةٌ رائعةٌ كالبهجة
تقول بإنّنا على موعدٍ مع الجمال في كلّ متصفحٍ
يحتوي إسمك الكريم .

شكراً لك كثيراً .

 

[سلطان ربيع]

طلال بن نايف
أهلاً وسهلاً بك
تتشرف أبعاد بتواجد حرفك الرائع
فـ أهلاً