- أوفى إنسانه ..!

[وجدان الأحمد]

تكفيني طعوني مِنْهْ..
إي واللــه تكفيني ..!
وكسرة خاطري منّه ..

حرامٍ أنتـهي " منّك "
يا إنتِ يا بداياتي ..
نهيتيني ترا والله ..
ودنّستي طهر ذاتي ..!

وصرت آشوف هالدنيا
بعينٍ لونها ( أسود ) ..!
وأقول إنّه حشى ما فيه
وفا
وإخلاص
من أي حدّ!


غريـبه " منّك " أتضايق ..
أنا مستغربه هالشي ..!
بقربك كانت الراحة..
وكل أفراحي ألقاها،
إذا طمّني إحساسك

وقلتي:" يكفي دام إنّي
بقربك كوني مرتاحه ..!"


إذا جا يوم وإحتجتك ..
أروح لمين أشكي له ..؟
وأدوّر وين علميني ..!
حضن
دافي
وأبكي له ..؟

أصادق مِنْ إذا غبتي ..؟

" أنا مـ أعرف سواكِ إنتِ"

ذكرتي يوم جيت وقلت :

تعالي نموت

تعالي نموت

بـربك ليـــه خليتي
" عيونك " تدمع وتبكي ..؟

وليــه إيديك تخلّيها ..
تصفّق ، تصرخ : " أبدعتي "..؟

وشاللي بينك وبينه ..؟
دخيــل معزّتي قوولي

شعورك ليه تخفينه ..!
أنا أعرفها " نظراتك "

إذا أقبل معي تحيّيه

يـ ليت تكذّب ظنوني
أنا ما ودّي تخوني

أجيلك أشتكي منّه
وتحضن عينك عيوني

أقول إنه مـهو وافي ..!
وإحساسه معي جااافي

تواسيني وتقوليلي :
" مصيره يحس بالخافي " ..!

أقول : بهجره هو راضي
وأحسّ إنّه لقى غيري

تقوليلي : "حكي فاضي
وبكره يعْرِفه قدرك "

معي ألقاك بأحزاني
وإذا أحدٍ سأل عنّي

لقى بيديك عنواني

دخيل اللـــه وبعد الله
دخيل العشره إعترفي

علامك ! رحتي وخفتي ..؟
أنا والله ما أقصد ..

أجرّح رقّة إحساسك
ولا أفكر ترا ألومك

إذا لازم ألوم أحدٍ
أنا بـ ألومها نفسي

لأني حيــل أغليتك
وعلى هالناااس بديتك

وإنتي اللي مـ فكرتي
بأحدٍ غير مصلحتك ..!

يـ ليتك تقبلي عذري
أنا جيتك وعاتبتك

أنا ما كان في بالي ..
بأنّك نسخـةٍ منّـه ..!

و صفاتك مثل أوصافه ..

أنا أسأل إذا شفتي ..
عيوونه كيف تشتاقك ..؟

تشابهتوا ترا إنتوا ..
بـ زيف شعوركم والله ..

و روحي له ..!
ترا نااطر ..!

وسيف الغدر بـ يسلّه ..

وظهري ممتلي طعنٍ ..!

وحتى الصدق
بـ يملّه ..!

يا أغلى من طعن قلبي
يا أوفى وأقرب إنسانه

أنا ما عذّب إحساسي

سوا إنك كنتِ

خوانـــه ..!

 

[نواف التركي]

خوّانه


يقول ميسر الشمري


خوني لك الله ما بقى حي ما خان
................................ حتى التراب اللي عشقته خذلني


حتى حبّات الرمل تخون أحياناً

لـ نصك هنا رقه رغم الخيانه

سيدة الغياب

عندما نشرّع قلوبنا للناس فنحن نلغي العقل وننجر خلف الأحاسيس

وكثيراً ما يخطئ حدسنا لنعود لـ لملمة جراحاتنا والغياب حتى تشفى ويكون في قلوبنا متسع لطعنه أخرى كـ أنما أصبحنا نستعذبه.

على غير عادتي أطلت الحديث فلتسمحي لي

وتقبلي مروري

دمتي بخير

 

[علي المحمد]

سيدة الغياب


رفقاً بقلبك الرقيق

لو كان هذا النص موجه لي لأفنيت عمري بالإعتذار لك

كنتي رائعه في غمرت أحزانك

شكراً لقلبٍ تحملينه ..

ودي و ورودي

أخوك/ علي المحمد

 

[العـنود ناصر بن حميد]

تسلسل حزين

سيدة الغياب

لابارك الله بقلب خان

ورغم كل هذا الطعن والألم

لحروفك حضورها الخاص

صح قلبك

ودمتِ بخير

 

[عبدالعزيز رشيد]

جميل ومؤلم بالفعل هذا البوح
بالذات ماان نصل لـ منتصف النصّ الغارق بالموسيقا والجمال
فـ تتوالى الطعنات والحسرات وترانيم الحروف نفسها تعزف معزوفة الاحزان
تسلسل حواريّ بليغ اكاد اسمع انين البكاء بينهما
( رفقا بنا اختي)

 

[لحظة]

تسلسل قصصي رائع ..


بنفس الوزن والإيقاع ..!


يمس الروح قبل الأسماع ..!


سيدة الغياب ...


الخيانة صعبة وبعضها نعمة ...

لمعرفة معادن الناس ... والخلاص منهم أسوئهم


فكوني سعيدة بهذه النّجاة عزيزتي ...


صاحبة الرّقة والإنسانية ... تحية تقدير لك


دمعة في زايد

 

[رجا المريخي]

سيدة الغياب

ونزف نلتزم الصمت أمامه إجلالاً له

دمتي بخير أخيتي

إحترامي وتقديري

 

[غنج نجد]

الحاضــره في قلوبنــــــا

الرقيقه .. العذبـــــه


سيدة الغيـــاب

ماااا اقسى ترانيـــــــم الوجــع الصاخبـــه
بين زوايـــا هذه الأحداث المريبـــــــه .. !!

خوانـــــــــه

ياااااا ه ..

ما العنها من كلمه .. وما اقساها بالذات
عندما تكون من انسانـــــه سكنت بين الحنايـــــا
لتسبح على خوالج الروح .. وترتشف دماء البـــــوح
الطاهر ...
هكذا نحن .. نعيش بسذاجـــه امام الآخرين .. وليست
طيب قلب وحسن نيـــــه .. لننفض غبار التعب والعتب
بكفوفهم .. ليغسلوها بالخيانـــــــه .. واستغلال الموقف ..

نص .. تغلغل الى العروق .. وانساب الى القلب مع الدم

هي انتي .. تنسكبين كالمطر بنصوصك .. الشاهقه
صح الله احساسك
وتحيتي لقلبك برائحة العود والكمبود


اختك

غنج نجد