بقايا الليل ـــ إهداء لنواف التركي

[عادل الرديعان]

الأهداء لأخي وصديقي


نواف التركي

مع الأعتذار عن الغياب




[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يالورق غنّي عسى هاك الغصون تميل = صوتك مطر والحنايا الجرد يبّاسي

أكب الأفكار حبرٍ فالورق ويشيل = ويتشكل الشعر من فوضاي وأحساسي

يا حبيّبه دام هالدنيا غدت تمثيل = بشيل جرحي وأوجاعي و هوجاسي

وشله أكابر على جرحٍ دماه تسيل = دام أن صدري بلد مستوطنه ياسي

ضيّعت عمري بأحلامٍ بلا تأويل = وأستكثروها بعيني للأسف ناسي

أبحرت عنهم بعيد ولا بقابي حيل = شراعي الصبر خايف ينكسر باسي

من كثر ما في ضميري للوجع تفصيل = أحس جيش أبرهه موجود في راسي

ترميهم الذاكره بأفكار من سجيل = شواردٍ صبّت الأحزان في كاسي

بشطح مع الحزن وأستعذب بقايا الليل = عشان أرتب شعورٍ يخنق أنفاسي

الذاكره بيد والمعنى حوافر خيل = تثير نقع السنين بقلب كراسي [/POEM]

 

[سعد مسهوج]

عادل


صح لساااااانك



ولله درك



سجل اعجاابي





احترامي

 

[جنون الشعر]

قصيدة جميلة منك اخوي ،، عادل الرديعان ؟!
صح الله لسانك
لفت العنوان نظري بشدة إذ أن لي قصيدة بالإسمِ ذاته
صدفة اولى
و الصدفة الثانية ان القافية الاولى هي ذاتها

الريحِ تَعصف .. و المشاعر بِها إتميـل
و القَلبِ بالخَفقات .. مِن يومهـا مَـال
هَاذي الحِكايـه عمرهـا جِيـل لا جِيـل
تِحكي زَوايا الألـم .. و الليـل يِنهـال

لكَ التحية و الود موصول ،،
جنون الشعر

 

[نواف التركي]

عادل الرديعان


للغياب عذر

وفي القلوب مساحه من مغفره


وتبقى الأنقى والأبقى في قلب أخيك


ممتن لكل حرف هنا

 

[نجدي حاطوم]

الاخ عادل الريعان

قصيده جميله جدا. مليئه بالصور


سجل اعجابي بحرفك


تحياتي

نجدي حاطوم

 

[ناصر الزيد]

رائعه ياعادل
ويستاهل نواف الاهداء
صح لسانك
ودي واعجابي

 

[خالد العقيل]

عادل الرديعان
سعيد بـــ مصافحة هذه الرائعه
تقديري

 

[أصايل شماليه]

صح لسانك ,, واعتلى شانك


بإنتظار جديد ابداعاتك