"ياسر القحطانى " فى القول واهتز الشبك والجماهير

[فالح الدهمان]

الله ايمسيكم بالخير جميع


كيبورديه

تفاعلا مع مشاهدتى اليوم للمباراة

والف مبرووووك للاخضر

واهداء الى النجم الفارس شبل قحطان

.
.
.
ياسر القحطانى
.
.
.

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما للنجـوم الا منـازل سماهـا=يانجم يانجـم النجـوم المشاهيـر
حى قحطـان الله ايكثّـر نماهـا=عز الوطن باقدامها والشواطيـر
صبى قحطانى والمعالـى رقاهـا=بحذاه فى عزم ومهـاره وتدبيـر
ونفـوس منّاهـا وحقـق مناهـا=وتصفق قلوب الملاييـن وتطيـر
ذيب العزايم ذيبهـا يـوم جاهـا=خلا مجاهيـم الملاعـب مغاتيـر
نفسه بهدات الحمـاس ايحداهـا=هدات بن شداد او سالـم الزيـر
كم كورتن جاته علـى مشتهاهـا=لكـن ايبديهـا لمالـك وتيسيـر
وياسر الا منـه خذاهـا عطاهـا=فى القول واهتز الشبك والجماهير
[/POEM]

فالح الدهمان

 

[نواف التركي]

أرحب

طال عمرك



يستاهل القحطاني


وصح قلبك

يافالح

هو يهزّ الشباك

وأنت تهزّ القلوب


سلّم على روحك

 

[غنج نجد]

الفاخر .. والماطر ..

فالح الدهمـان


هكذا ... هو الشاعر الحق ..
ينسكب كالمطر .. ليروي الذائقه .. وتزهر القلوب ..

الف مبروك فوز المنتخب .. وعقبال الكاس
واللاعب المرعب / ياسر القحطاني وجميع افراد المنتخب
يستاهلون هذا المطر .. العطر .. من قلب شاعر بحجمك استاذي


صح الله روحك واحساسك
وتحيتي لقلبك برائحة العود والكمبـــــود

اختك

غنج نجد

 

[سلطان ربيع]

هلا بك يافالح
وهلا بكيبورديتك

يستاهل ياسر القحطاني
وجميع أفراد كتيبتة .

وأتمنى الفوز للأخضر

 

[خالد العقيل]

فالح الدهمان
يستاهل ياسر
ويستاهلون صقور المنتخب
رائع يافالح
تقديري

 

[ريم علي]

فالح
بعدد فرحة الجمهور السعودي بالفوز اليوم اقول لك صح لسانك

ابدعت وياسر ورفاقه يستاهلون واكثر

وننتظرك بقصيدة جديدة بعد فوزنا على الكمبيوتر الياباني يوم الاربعاء ان شاء الله

لازم توعدني فيها يالفالح ومسموح منها اذا انهزمنا لاقدر الله هههههههههه

 

[فالح الدهمان]

المشاركة الأصلية كتبت بواسطة نواف التركي

أرحب

طال عمرك



يستاهل القحطاني


وصح قلبك

يافالح

هو يهزّ الشباك

وأنت تهزّ القلوب


سلّم على روحك

هلا وغلا

هلابك ياعصابة راسى

ايوالله يستاهل ياسر القحطانى

وصح بدنك نواف

وتسلم الله ايسلمك

ولك وحشه

 

[فالح الدهمان]

المشاركة الأصلية كتبت بواسطة غنج نجد

الفاخر .. والماطر ..

فالح الدهمـان


هكذا ... هو الشاعر الحق ..
ينسكب كالمطر .. ليروي الذائقه .. وتزهر القلوب ..

الف مبروك فوز المنتخب .. وعقبال الكاس
واللاعب المرعب / ياسر القحطاني وجميع افراد المنتخب
يستاهلون هذا المطر .. العطر .. من قلب شاعر بحجمك استاذي


صح الله روحك واحساسك
وتحيتي لقلبك برائحة العود والكمبـــــود

اختك

غنج نجد

غنج نجد

الله ايحييك

ومحل تقدير وفخر واعتزاز

هذا الاطراء الكريم منك

وان شاء الله

فال المنتخب طيب

بالكابتن ياسر ورفاقه

فائق احترامى

وتقديرى
لشخصك المميز والكريم