( معرفة يومين )

[مشاري الشليمي]

الاهداء لــها


ولكم ..





[POEM="font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
سلام الله يا حب ٍ بدى من يوم او يوميـن = ملك وقتي وتفكيري وغيــّر كل عناويني

تمركز في خفوقي .. فوق .. ما بين الضلوع .. وبين = احاسيسي .. واعضائي .. و دمعاتي .. وشراييني

غزاني وحرر الخافق من الترديد .. خلي ويــن .. ؟ = عتقني .. جعل رب الكون من شانه .. يخليني ..

ابي انهي مراحل من ضياع الفكر والتخميــن = بـ حبه ودي أكســّر رياجيل ٍ تعاديني

ابي منه حنان الكون .. ويبشر بـ الجناب الزيــن = ابي احساس صادق من جنابه .. كان يغليني

ابي افرح مثل فرح العرب في معركة تشـرين = وابي اضحك .. وانا اصلا ً يتيم وفاقد ايديني

ابي اسـرح بـ حبه .. واجعل الاشواق بـ التقنين = لـ شخصه بس .. دون الناس حيينه وحييني

ابي اعطيه قلب ٍ ضاع ما يدري الطريـق منيـن = ابيه يعالجه بـ اخلاص .. ما يشمـّت عدويني

ابيه يعوَض ايامي عن اللي فاتني بـ سنين = بها حزن الخريف يمر فيني .. حيل يوذيني

و قولوله ترا يبشر بـ قلب ٍ ما غشاه الشيـن = احبه حيل واخلص له .. وما انكر محبيني

ولكن يا خساره صدق هذا اللي اقوله ويـن ..؟ = بعد يومين يبـ ينهي العلاقه ثم ينهيني

لان احنا اتفقنا فـ البدايه .. ( معرفة يومين ) = بعدها للـ حزن والدمع بـ تردين يا عيني[/POEM]