بعد الغياب أعود إليكم بـ""مال قارون""

[بندر الرشيدي]

بسم الله الرحمن الرحيم
السلام عليكم ورحمة الله وبركاته

أحبتي الكرام...أسعد الله أيامكم ولياليكم..

قصيدة حديثة الإنتاج.
أقدمها إليكم علها تشفع ..لي عندكم غيابي
..وتنال ولو القدر اليسير..من استحسانكم..


ماال قاروون..

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
الله على مالٍ مثل مال قارون=فضلٍ من الله مالاحد فيه منه
في قدرته من كون الخلق والكون=اللي جعل للخلق نارِ وجنه
ماقلتها في المال مغرم ومفتون=لو إن حب الماال في الناس سنه

لي غاية ولله ماكان ويكون=علاّم ماتخفي الصدور ونكنه

ابغا اكرم اللي حالهم دون في دون=وأغيث مضهودٍ ظروفه حدنه

واطلق حجاج اللي من البعد ينصون=ماللعذر فيهم طريقٍ يسنه

وافك قيد اللي ورى الحبس مسجون=ديانته مابيتوا له محنّه

عليه دين وعالج الدين بديون=قصده يجمعهن..وهن فرقنه

حسابهن لاعدهن حول مليون=ماكان في يوم يحسب ياصلنه

طاوع ظروف الوقت بالهون بالهون=يبغا يحقق غايته وادركنه

عزيز نفس ولايبي يلحقه هون=لكن تصاريف الزمان أخذلنه

أصحابه اللي كان لا قبل يهلون=ماحدٍ فزع منهم ولاسال عنّه

أبغا أدفع لديانته لين يرضون=ماابغا الشكر منهم ولاابغاه منّه

أرجيه من ربٍ له الخلق يرجون=في يوم به للناس نارٍ وجنّه

لافيه لاداين ولافيه مديون=كلٍ حقوقه وافيات أوصلنّه

يالله يامنجي من الحوت ذا النون=المؤمن اللي فيك ماخاب ظنّه

يامعطي الدنيا لأشباه قارون=عجل اخطاي لكل فرضٍ وسنّه

المال يفنى والمخاليق يفنون=والرابح اللي لك دروبه هدنّه[/poem]

ولكم..وافر ..

الشكر والتقدير..

 

[العـنود ناصر بن حميد]

كل غياب يُعذر إذا

أتى بنص جميل كهذا النص

بندر الرشيدي

أهلاً بعودتك لأبعاد

وصح قلبك

 

[قلبي المتيم]

رائعه من روائعك اتحفتنا بها

حقاً استمتعت بالقراءة هنا صح لسانك ودام بوحك ياخوي

 

[بندر الرشيدي]

الرائعة..

العنود..

صح بدنك..وسلمت روحك..

وخاالص شكري وتقديري..

لتواجدك.السامي..

 

[خالد العقيل]

بندر الرشيدي
أهلا بعودتك
رائع ماقرأته هنا
تقديري

 

[أفكار الناظم]

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ابغا اكرم اللي حالهم دون في دون=وأغيث مضهودٍ ظروفه حدنه

واطلق حجاج اللي من البعد ينصون=ماللعذر فيهم طريقٍ يسنه

وافك قيد اللي ورى الحبس مسجون=ديانته مابيتوا له محنّه

عليه دين وعالج الدين بديون=قصده يجمعهن..وهن فرقنه[/POEM]


بندر الرشيدي...اكرمك الله شعرا ومالاـ

متصفحة زاخرة مثلما هو مال قارون ....طاب حرفك

 

[بندر الرشيدي]

الكاتبة..

قلبي المتيم..

صح بدنك.وسلمك ربي..


سعدت بمرورك..الندي..


تحيتي...

 

[بندر الرشيدي]

الشاعر القدير.


خالد عبدالكريم..


البقا يالغالي,,,


تشرفت بتواجدك..السامي..


ومرورك..الأروع..دائما..


خاالص الشكر.والتقدير..