...{ دفتر التنوين ..!

[عطش]

’*



جمعت أحلى " عهود " المحبرة في دفتر التنوين
.......... وكونت القوآفي ب مختصر وعده وميثاقه

وجيت استجدي أوراق " الجحود " بـ حرفي المسكين
.......... لقيته و القوافي اللي بكت تستنجد أوراقه

تسلل واقع ٍغاشم ،، فتح " للشّك " مصرآعين
.......... لك الله ياهوى قلبٍ يموت الشك بارهاقة

سألت أوراقي الصفراء ‘ عن أرواحٍ " قبل عامين "
.......... وغايتها غرآمٍ له ترآقص غصن دراقة

أبكتب عن حقايقنا ب واقع ينفي التخمين
.......... وعن سن" الطفولة " و انقلاب العمر بفرآقه

وعن حبٍ تنامى ثم رجع ب العمر عشر سنين
.......... وعن أحلامٍ حكاها ‘‘ طفلنا " الموؤود " لرفاقه

وعن دربٍ جمع صدفه على كف " الهوى " قلبين
.......... على نخب الشقا اللي قد تحطم كآس ذواقة

يا أول مصطلح يحسب عليّ بمعجم التدوين
.......... يا آخر فلسفة صدق الجروح بطعنة أعماقه

على صدر الجفاء تذبل " أماني " مالها فرعين
.......... شموخ الباسقه يطوى على اسوار سراقه

بدآري دمعة تثبت زوال " الغطرسة " بـ العين
.......... و آعززها ب شهقاتٍ تزيد العز بأحداقه

و أنادي للوداع اللي يلوّح .. مرحبا و اهلين
.......... فمان الله لك جرحيّ من البيبان لـ الطاقه ..!