[ كَلاَكِيتْ ] - منتديات أبعاد أدبية
 
معرفات التواصل
آخر المشاركات
!!!!! .....( نـــــذرولـــــوبــــيــا ) ..... !!!!! (الكاتـب : خالد العلي - مشاركات : 159 - )           »          جُمُوحُ العَاطِفة (الكاتـب : محمّد الوايلي - مشاركات : 1780 - )           »          ما لا يمكن أن تكتبه الآلة: بين لهب الشعور وبرودة الشرارة! (الكاتـب : جهاد غريب - آخر مشاركة : سيرين - مشاركات : 1 - )           »          فواصل شعرية ( 3 ) العيد (الكاتـب : نوف الناصر - آخر مشاركة : خالد العلي - مشاركات : 17 - )           »          هلوسات شاعرة ..! (الكاتـب : نوف الناصر - مشاركات : 11 - )           »          في المقهى .. ؟ (الكاتـب : سيرين - مشاركات : 4484 - )           »          يوم عرفة (الكاتـب : عبدالإله المالك - آخر مشاركة : سيرين - مشاركات : 1 - )           »          عِــنَـــاق ....! (الكاتـب : جليله ماجد - مشاركات : 24 - )           »          [ فَضْفَضَة ] (الكاتـب : قايـد الحربي - آخر مشاركة : جليله ماجد - مشاركات : 75370 - )           »          ارتعاش في جوف الصمت. (الكاتـب : عُمق - مشاركات : 0 - )


العودة   منتديات أبعاد أدبية > المنتديات الأدبية > أبعاد الشعر الشعبي

أبعاد الشعر الشعبي بِامْتِدَادِ الْلهَجَاتِ ، شِعْرَاً يَحْكِيْنَا .

 
 
أدوات الموضوع انواع عرض الموضوع
قديم 02-16-2022, 03:14 PM   #1
سعيد الموسى
مشرف أبعاد الشعر الشعبي

الصورة الرمزية سعيد الموسى

 







 

 مواضيع العضو

معدل تقييم المستوى: 157779

سعيد الموسى لديها سمعة وراء السمعةسعيد الموسى لديها سمعة وراء السمعةسعيد الموسى لديها سمعة وراء السمعةسعيد الموسى لديها سمعة وراء السمعةسعيد الموسى لديها سمعة وراء السمعةسعيد الموسى لديها سمعة وراء السمعةسعيد الموسى لديها سمعة وراء السمعةسعيد الموسى لديها سمعة وراء السمعةسعيد الموسى لديها سمعة وراء السمعةسعيد الموسى لديها سمعة وراء السمعةسعيد الموسى لديها سمعة وراء السمعة

افتراضي [ كَلاَكِيتْ ]






كلاكيت :


[1]

[ إنسانية شاعر ]
-
سخّفوا - صبعَه !
يِده !
مفرداته - مَنطقِه !
طيبته - عفوّيته - لَفظه بحنّيته !
شوهوا عطره : كثير !
يعني عادي - وش يصير ؟
ذاقوا دمّه - جايعين لـ أكل لحمه !
حتى في لحظة : صحوا
شف : تخيّل استحوا ؟
قالوا : هالأنسان "غير"
خالقه ربي " كبير "
"شايف شلون الحمير " ؟!
عندهم ياخي ضمير!

______

[2]

[ رياء ]
-
خلّ نطرح .. فكرتين
وإنتهادى " لليمين "
دون - دونك
لين : وين ؟
وأنت سيّدك - وفطين !
وش توالي هالرياء ؟
لا غدا خوف ابرياء ؟
وين يوصلِك المساء ؟
وأنت معميك الضياء !
نقّصك رب الملا - لين ماتلبس رداء !
تجمع الأسماء - جمع !
ثم تشعل بعض : شمع !
تستلذ : بحرقها
لين آخر عِنْقها !
تبتسم - ليته حيا : تبتسم خبث وردى !
لا قضيت من الجبال !
صرت تنثربالرمال !
قمت تجمع لك : نبات !
قلت في صدره : أبات !
لين - يفقد خضرته !
تستلذ بكسرته !
ثم تحرث تربته / لين توصل : بذرته !
ثمّ تنبش : موطنه - لجل تبتر غرسته !
ليه ياأبن الكرام ؟
إيدك إبنه للحرام ؟
______


[ 3 ]

[عن الحقيقه]
:

_

كل شيّ -
محور ظنون !
كل حاجه .. ماتكون !
غيركِ أنتِ .. وغير رمشِك
وأنتِ الأجمل " عيون "
الحقيقه - فمّ ريقك
وجه واضح - في بريقك
الحقيقه - شيّ منّك !
وأبعد أبعد -
فوق ظنّك !
تلبس الفستان : ضيّق
والحكي واسع : وشيّق !
والحقيقه ..
[ هالحقيقه ]
ماهي بدايم [ رقيقه ]
مرّه تجرح !
مره تصفح !
مره تفرح !
مره تصدح في زعلها
لين يتقاطر خجلَها !
آخ .. ياحلو الحقيقه !
لو تمّريني .. دقيقه !
______


[4 ]

[ حوار في مقهى شعبي ]
-
طاولة - كرسي " خشب "
وجه نادل -
مُكتئب !
شيّ يوحي ..
بالغضب !
أو ملامح .. للتعب !
جمّع أحزان
الخزانه ..
عاد لكن .. في ذهانه !
سيّدي ..
أمرك .. طلبت ؟
[ صوت تملاه أرتجافه ]
قلت باقي ..
ماشربت !
أبتسم قال بلطافه ..
كل ماتأمر .. تفضّل !
[ طاحت أوراقه .. تأسّف ]
سيّدي والله .. عذراً
أعتذر لك .. أيدي ترجف !
كل مـ ابني
اتصل بي .. هزني وصار ارتجافي !
يبغى يدرس !
يبغى يلبس !
يبغى يحيا .. شف تخيّل !
حتى يحيى ماهو حيّ !
وابن هالسربوت ….. يحيا ؟
مين لاقي الحين شيّ ؟
يعني أدفع هالايجار ، والا حق الكهربه
والا غسان الحقير .. يطلب الدين بضمير !
والا والا والا والا !
ياأخي عيشه
قرف !
وين اجيبه هالترف !؟
حتى يبغى
لبس ثاني !
ماعجبه الاولاني !
قبل عامين
أشتريته !
مامداه أصلاً يشيله !
حتى يبغى
بسكلتّه !
يعني أزرع له
فلوس ؟
ماهو شايفني
أحوس !
كل يوم أحضر
بموس !
مااحلّق شْعر " وجهي "
والله أحلِق .. كل وجهي !
مابقى فيني
كرامه !
هو أنا ..
ناقص كلامه !؟
[ أوه آسف .. سيّدي ]
والله مااقصد .. أثرثر
بس لنّي عندي
سكّر !
يبتسم ويقول : سُكّر !
داء علقم .. ماهو سكّر !
لازعلت : افقد وأسكَر !
وش أسجل لك طلب ؟
قلت :
لو تسمح عنب !
بس
في كوب الخشب ..
ايه لو تسمح بعد ..
ماابي يجيني .. أحد
ودّي أنسى
[ هالبلد ]

______



[ 5 ]

[ مُثلث شِعْري ]
_


شكّل حرف
ودوزن نزْف !
تارة يعلو تاره خَفّ - طِفل ويلعب - تحت الغيث !
والله :
"ماهو جاي " يعيث " !
يتبلل ويكوّن طين - صلصل بعضه سين وعين !
لفّ ايدينه ..
شكّل طينه
ينحت وجه بْلاَ تلوين
يبني من هالسيل الجاري
شاعر شعبي - نصّ - وقاري !
وأنت اللي جاي من القيض
جاي وتحمل ب ايدك غيض :
مستكثر يفرح باايديه ؟
شف تشكيله
[ هو يشكي له ]
صلصل من هالطين وجوه
" لمّا أحبابه ماشافوه "
جاي وتنهى فمّ إيديه ؟
صوت أصباعه لاتنفيه !
خلّه ينحت / نحته ينهت !
شفته يضحك ؟
همسه مُنهَك !
سرّه واضح عند الماء !
خذ أسمنتك والأسفلت !
إبن أبنيتك
" أياً كنت "
خلّه يرسم
خلّه يحلم !
خلّه ياخي : بسّ يعيش !
طيّب غنّى / ضرّك ب ايش ؟

*
_______

نقره لعرض الصورة في صفحة مستقلة

 

التوقيع


____

إما نجي : فوق الغمام
والا - بلاش من الكلام !
-
snap:alskab1

سعيد الموسى غير متصل   رد مع اقتباس
 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:53 AM

الآراء المنشورة في هذا المنتدى لا تعبر بالضرورة عن وجهة نظر الإدارة

Powered by vBulletin® Copyright ©2000 - 2025, Jelsoft Enterprises Ltd.