مـــــــ النهـــر ـــــــرايا

[مروان الحربي]

عندما يقف العاشق المجروح على ضفة نهر ليرى صورة حبيبته التي جرحته ماثلة أمامه على صفحة النهر ويرمي عليها حجرا لكي تتلاشى ولكنها تأبى إلا أن تعود بعد لحظات قليلة ماهي المشاعر في تلك اللحظه ........

هذه خاطرة لي تحكي هذه الفكرة أتمنى أن تحوز على رضاكم ......




مــــرايا النــــــــــهر




تعبت أنساك... وأنا في خاطري ألقاك
تعبت طيوف ... مشاعر خوف
تعبت الصوره والبرواز ... تعبت أهواك
لقيتك في مرايا الوقت ... لقيتك في عيون الصمت
لقيتك صوره ... مغروره
تراقص في مرايا النهر .... وأنا على ضفة نهر
رميت على الصوره حجر ... ياليت هالصوره تنكسر
تشتتت ... تبعثرت
ومع ارتداد النهر
تلملمت ... تكونت
صوره .. منظوره
بروازها ورق الشجر
ياساكنه مرايا النهر .. تعب الحجر
شتت سكونك ... وسكنتي
بعثر فتونك ... وأنتي أنتي
متى أقدر أفك قيودي ... من أسرك
متى أقدر أطفي بدمعه في خدودي ... لظى جمرك
تجمعتي على غصني .... ورق أصفر
سقاه الظن من ظني ... دمع أحمر
ولا أقدر ...
أصور بسمه في عيوني ... وأنا أهواك
تصدقي كل الشظايا اللي ... شتتها الحجر
كانت مرايا لصورتك
وتصدقي إن العيون اللي ... كاحلها السهر
تعبت تخايل نظرتك
أوهام في عيون السهر .... في نظرتي دايم تبين
وأوهام في صفحة نهر ... تبقى على مر السنين
وأنتي السنين .. وأنا تعب وصبر
ليت ماكنتي صور
ليت ماشفتك أنا ... صوره في نهر
ياراسمه في وردي خريف .... مالك وصيف
بعيده وتظهري ... حتى في الليل الكفيف
آه ياذيك الصور
ساكنه عيون السهر ... وأنا حياتي السهر
ساكنه ورق الشجر ... وأنا من أغصان الشجر
ساكنه قطر المطر ... وأنا تحت غيمة مطر
ساكنه صفحة نهر ... وأنا على ضفة نهر
ساكنه نار الشموع ... وأنا بقايا هالشموع
ساكنه أسرار الدموع ... وأنا من أسرار الدموع
وساكنه شظايا الصور ... اللي شتتها الحجر
ليه أنتي بس أنتي ... مرايا وصور
وليه أنا دايم أكون ... إنكسارات النظر
وليه العمر ... نظرة وهم
وليه الصبر ... دربه ألم
أبسألك في صورتك ؟
مامره انتحلتي طيف مرايه ... من مراياتك؟
وأبسألك في نظرتك ؟
مامره شفتي كيف صرتي ... أبعاد لزواياتك ؟
مامره خبرك ... الحجر
انه يبي يشتت خيالك من خيالي ؟
مامره خبرك المطر ؟
انه يبي يمحي صورك اللي في بالي ؟