شادي الألحان

[عادل الدوسري]

إعذروني
أتت كما أتت!!!!!!

يا شادي الألحان و خفيف الظل
عليك من بعض السوالف شماته

لا عاد به وردٍ ولا عاد به فل
ذقـتوا من الحنظل مرارة نباته

أشغلتوا العشاق بالحطـّ و الشل
مدري زيادة شوق وإلا إنفلاته ؟

واللي شراك العام من شوفـتك مـل
يالنايم اللي ما صحى من سـباته

ما ملّ من درب المحبه و لا كـل
له نظرة ٍ بأهل الهـوى و إلتـفاتـه

اليوم شاورنا على الربط و الحل
يحسب جميع الناس تمشي سواته

متبلّد إحساسه ولا عاد به دل
في ساحة العشاق تومي عباته

وراع السوالف لو يسولف على الطل
لا ذاق من دجــله ولا من فــراتــه

يفلّ صفحات البشر بالحكي فل
عايش على اللي فات من ذكرياته

وأنا أحمد الله ما بقى داخلي غـل
قلبي مع أهل العـقل حافـظ وصاته

عزيز نفـس ولا بعد عـشت في ذل
والرجل لولا عـزّته وش حياته ؟

عادل الدوسري

 

[ساره عبدالمنعم]

وأنا أحمد الله ما بقى داخلي غـل
قلبي مع أهل العـقل حافـظ وصاته

عزيز نفـس ولا بعد عـشت في ذل
والرجل لولا عـزّته وش حياته ؟

عادل الدوسري
رائع
مجتهد ..
لك حس مرهف ..
تتبع منظومة عقلك
لا يطغى شيء على شيء ..
دائما اتمنى لك الخير

 

[أحلام مؤجلة]

عزيز نفـس ولا بعد عـشت في ذل
والرجل لولا عـزّته وش حياته ؟



صح لسانك
جميل ماكتبت وراقي

دمت بود

 

[عادل الدوسري]

المشاركة الأصلية كتبت بواسطة أحلام مؤجلة

عزيز نفـس ولا بعد عـشت في ذل
والرجل لولا عـزّته وش حياته ؟



صح لسانك
جميل ماكتبت وراقي

دمت بود

هلا بإحلام
زميلة الدرب مع الشعر
اشكر حضورك وتفاعلك
شرف لي والله