قلوب من زجاج

[راشد مقبل]

قلوبنا كنها متكوّنه...من زجاج
تعطي شفافية الإحساس لدروبنا

نتعب ودايم نحسّ بلوعة الإحتياج
ونلازم الصمت..لو هو سيّد عيوبنا

مافي يدينا من الأيام غير العجاج
وأحلامنا لاحلمنا.. تجرح قلوبنا

تكاثروا محتوين إحساسنا بالمزاج
اللي على طارف الدنيا تغنوا/ بنا

 

[راشد مقبل]

على انتظار ووعد عشاق طال الوقوف
وظلالي أعزل ويصغر ف إندثار السنا

لاتنشدوني بعد زاد التعب ويش أشوف !؟
في وقفتي مال شوفي والرحيل انحنى

 

[راشد مقبل]

كيف أعيش بسعه في ظلّ ضيق الرحاب
( والليال ) الأخيره بالغياب احملت

صرت بين الجميع أشعر ب طعم إغتراب
وكلّ م أسمع بقولة وش بلاك اكملت

( سكّر البال ) يامرّ العتب والغياب
لو تساهلت دمعي لك عيوني بلت

لو صوابك خطاي ولو خطاك الصواب
مابقى غير حبلك في يديّ وفلت ....!

 

[راشد مقبل]

مابقى عندي سوى قطعة أمل
خايف أفقدها وأصير بلا طموح

كل م أتبع حلم عابر ماكمل
لازم ألقى ف آخر أحلامي جروح

 

[راشد مقبل]

مرّ هالليله وسولف لي
متلهّف أسمع سواليفك

غيابك الأخّاذ يكشف لي
إني أحبك على كيفك ...

 

[راشد مقبل]

مخلوق أنا من طين لو ماتوطّنت
عجزت ل ألقى لي وطن يحتويني

ماشفت فالصحرا طموح /وتمدّنت
لكن حرمني من طموحي/ حنيني

عيني وجرّحها السهر لو تطمّنت
اني حفظت الدمع في حضن عيني

وقفت في وجه ال أنا لين كوّنت
ترثة تصادم بين طبعي وبيني ..

ياحظّ مليت أشتكي منه وش كنت؟
ذبلت ضلوعي وأرهقت راحتيني ..

مابعت وجهي للحضور وتلوّنت
لو الغياب يبعثر الصمت فيني

أطلقت صوتي للأماني ودوزنت.
يامن خذيتي من حياتي عطيني !!!!!!

 

[راشد مقبل]

آخر لقى يستاذن عناق الأحباب
ويمرّ دمعة سود الأيام وتطيح

في صوتها حزن وصدى بحّة غياب....
وفي صوتي أحلامي على طارف الريح

 

[راشد مقبل]

أنا ماأحبّ العتاب ....... ولاتلوموني
وإن وصّلت للعتاب أصير م أحاسب

تبغون دمعي يطيح ويجرح عيووني
بُعدي مناسب/ودمعي ماهو مناسب