مساري وتذكار - بداح الشويب

[بداح المطيري]

ماعاد هي لحيّة مساري وتذكار ..
‎يوم اكتشفت ان الليالي سريعه

إليا متى اغطي ذنوبي بالاعذار
‎وإليا متى رد القطيعه قطيعه ..

'نسابق العالم برحله ومشوار'
‎ونردد اللي باعك اليوم بيعه ..

نعيش بالدنيا من ادوار لـ ادوار
‎وما نتّعض الا لاجات الفجيعه

في وقتنا وصل المقّفي من العار
‎نكبر وننسى من حقوق الشريعه !

من الطبيعه ، يقلب الجو بـ غبار
‎لكن يدوم اغبار ، وين الطبيعه !!

لو يستمر الليل من دون الانوار ،،
‎بنّسمي ايام السنه بـ اسم ضيعه

ولو يمسك الجاهل مشوره وينشار
‎بتشوف له بين الوجيه الوضيعه ..

الصيف لو طوّل مع جوه الحار
‎" اكيد بـ يصدّه شتاه وربيعه " ..

واللي لزم نفسه على وقت الاسحار
‎عدّه بعد ربي حفظ له وديعه

#بداح_الشويب

 

[إيمان محمد ديب طهماز]

'نسابق العالم برحله ومشوار'
‎ونردد اللي باعك اليوم بيعه ..

الله الله

ما أجمل هذا القصيد
و ما أعمق أبعاده
قلم يكتب الدهشة بحبر الإبداع
سلمت الأنامل

 

[خالد صالح الحربي]

:
من الطبيعه ، يقلب الجو بـ غبار
‎.. . لكن يدوم اغبار ، وين الطبيعه ؟!
موعظة جميلة وصادقة .. وهذا البيت تحديدًا
أعجتني بساطته وعمقه في آنٍ واحد.
🌹

 

[سيرين]

احترت أي الابيات اقتبس وجميعها در من ضوء وحكمة
كم اوفيت حق الالق شاعرنا المبدع \ بداح المطيري
دام هذا الغدق الآسر للذائقة
مودتي والياسمين


\..