(( إعصار الصعايب ))

[رضا الهاشمي]

الله لامن صوب افوادك الهم

واتوغلت في لب قلبك سهامه



تنزف دما صبرك على ساحة الغم

من طعنة اعداء الكرم والكرامة




قولوا منو بالناس يا ناس مهتم

هاليوم كل ن منسجم بإنسجامه




نادر من اللي يجمع الشمل وايلم

نادر من اللي متصف بالشهامة




أصعب ألم لو جيت تنطق من الفم

يوقف كلامك من عناك وكلامه




الخال ماهو خال والعم مو عم

والأم ماهي ام والأب جامة




تعكس جفا الاقراب عن حضن ن و ضم

وتنبي عن اشتات الغلا وانقسامه




ان كان مالك في البشر ذمة و دم

تسلك طريق ن دون أمن و سلامة




نم يا حبيب الهم و النايبة نم

دام التآخي ما صحى من منامه




وين أمهات الأمس لي حبها إلتم

حول الضنا وإلتف مثل العمامة




ولا الأبو ياللي كرم راحته عم

تاسف على قفرات كفه غمامة




والخال لامن تطلبه قال لك تم

والعم يوقف في مواقفك قامة




كان الأخو من تزقره قال لك سم

يعطيك من طيبته جل اهتمامه




اول اخوك ان قلت له جب ينطم

ان كان اصغر منك زاد احترامه




علمت اخوك اعلوم ما كان يعلم

شافك غصن ثم طار مثل الحمامة




هاذي الحياه السمسم ف مرها سم

والظلم فيها ما تبدد ظلامه




ان كان ما توقف ع رجليك تندم

وان كان حظك بيض كون النعامة




ما تنتصر بمصارعاتك اذا لم

تاخذ من اعصار الصعايب حزامه