على قل الموارد ما اعتذرنا
..........و قفنا بالشدايد وانتصرنا
تعلمنا من الدنيا تجارب
...........ربحنا بالحياه والاخسرنا
قليل"في يدينا خير واجد
..........ولا نسأل ردي" ما اعتبرنا
يعيش الادمي مرفوع راسه
..........كرامة نفس من ربي صبرنا
اذوق المر من كف الليالي
..........واقول المر حالي يا قدرنا
اداري الحال عن هرج الاوادم
..........سفيه العقل من يتبع أثرنا
وابو وجهين لا منه تبسم
.......... بمنشاره ..الى ..غبنا نشرنا
انا ماني ترى قطاع رفقه
..........وعن فعل المراجل ماقصرنا
عطيت الحق ماخليت واجب
..........اذا..مره .اعتذرنا من عذرنا
من جانا ترى طلاب حاجه
.........قضينا حاجته لو ما شكرنا
اذا ما شافنا قام يتصدد
.........واذا عدوا السوالف ما ذكرنا
بعون الله مانترك فضيله
.........وفعل الطيب مادونه عثرنا
محمد الثوعي
آخر المشاركات
08-31-2017, 01:53 PM
الدنيا تجارب!!
العرض الشجري