الهوى مقسوم

[عادل الدوسري]

بسم الله أبدأ
::
::
أنا لي ثلاث ايام ما ذقت طعم النوم
عسى الله يرحم حال من زادت احزانه

اعالج هموم الناس وأمسيت انا مهموم
و حظي المعاند صك قفله و بيبانه !!

ترى مذبح الرجال بالخنجر المسموم
إصابة غدر ما بين قلبه و ضلعانه !

خصوصاً من اللي بالحلا جنسها معدوم
غنوج ٍ حكيها عذب و العين فتّانه !!!

ولا ودّي اكثر بيوت العذل و اللوم
وكثر الشكاوي مالها عندهم خانه

سلامي على اللي حط بالقلب عشر ثلوم
سبب علتي و دواي في داعج أعيانه

مواعيده اللي طولت قبل شهر الصوم
وهالحين زلّ القيظ ما شفت عنوانه !!!

وانا صابر ٍ صبر الجمل والزعل مكظوم
تحمّلت مشروه الخبالين من شانه

اعد الدقايق والثواني و يوم بيوم
لكن الليالي لو وفت يوم خوّانه !!

انا في لجوج الحب ما عاد اعرف العوم
طبع محملي واندار دقله و سكّانه

ولا شك هذي علتي و الهوى مقسوم
من الله عظيم الشان والعرش سبحانه


قلم/عادل الدوسري

 

[رشا عرابي]

؛
؛
والصبر حيلة من لا حيلة له أيها الفاضل


تأتينا بشفيف القصيد
يشي عن ملام عاشق
وهاجس انتظار

لك التحية عابقة بالورد يا طيب

 

[ساره عبدالمنعم]

الصبر مفتاح الفرج الله عليك ياعادل
وما اجمل قصيدك

 

[مروة عبدالله]

النقي عادل الدوسري ..


الحزن شائع ..
ولكن الهوي غلاب ..
سنحزن قليلاً ..
ولكن الله موجود ..
ليعود الحب ..
يجمل الأنفاس ..

تحيتي للرونق هنا ..

 

[عبدالإله المالك]

الشاعر عادل الدوسري

شاعر جميل الشعر بحق

ولكن ما قصة الشعراء والليال الثلاثة
دائما تتكرر في الشعر

حييت

 

[نادرة عبدالحي]

اعالج هموم الناس وأمسيت انا مهموم
و حظي المعاند صك قفله و بيبانه !!

اعالج هموم الناس وأمسيت انا مهموم
كالطبيب انت يا شاعرنا يداوي جراح الاخرين وما يداوي جرحه.
راقت لي نصكَ يا طيب .

 

[رزان سالم]

عادل الدوسري
نص طاغي بالجمال
دمت بهذا التألق وهذا الجمال
اختك رزان

 

[عبدالناصر السديري]

صح لسانك يا عادل ممتع وشعر حركي جميل