عنوان بيتي

[عبدالله التميمي]

من غير محكي شوف حبك في عيني
قلبن هجرته يوم باح ابخفايا

من غير محكي لازم انك تجيني
تشفي الالم مابين ذيك الزوايا

العام طاحت دمعتي ياضنيني
يوم الوداع ويوم ذيك النهايا

ارجع ونشعل بالقا شمعتيني
ارجع واقدم من شعوري هدايا

مشتاقلك ماعاد يصبر حنيني
الشوق جمره تشتعل بالحنايا

غالي وتبعد لك خفوقي حزيني
وجهك اشوفه في جميع المرايا

جالس واناظر غرفتك ياعويتي
صرنا بدونك ياحبيبي ضحايا

ذي هرجتك ذي بسمتك تكتسيني
سويت فيني ياحبيبي سوايا

اسمي بصوتك نغمة العاشقيني
ترسل وانا استقبل وكنك دوايا

مديت يدي بالقا لو تبيني
عنوان بيتي لو جهلته معايا






بقلمي
حبيس الهاجس

 

[بلقيس الرشيدي]

رائِعة يسكُنُها الحنِين يِصح احسَاسك عبدالله ودام هَذَا الفيضْ .
كُل التقدِير

 

[عبدالله التميمي]

المشاركة الأصلية كتبت بواسطة بَلْقِيسْ الْرَشِيدِي

رائِعة يسكُنُها الحنِين يِصح احسَاسك عبدالله ودام هَذَا الفيضْ .
كُل التقدِير

صح بدنك اختي ودام عطائك في سما هذا الموقع الشامخ

 

[عبدالإله المالك]

صح المنطوق
وزان القول

تقبل التحية

 

[ساره عبدالمنعم]

غنائيه رائعه
مبدع يا عبدالله

 

[رشا عرابي]

الله الله يا حبيس الهاجس

وحين ينطق الشوق في يراع الشاعر لا بد أن يحيك من الإبداع شعرا

لله أنت !!

تحايا ماطرة
واحترام

 

[أنور السيفي]

عبدالله التميمي

عازف جميل وهُنا لحن أشتياق

فيه طِيب الذكرى ويانع المشاعر

دام عزفك

شكرا ً

تقديري