يا سعد . .

[عبدالله الشغيبي]

.


يا سعد من يثبت على دين الإســـلام
مؤمــن بدينــه ملــتزم في شــئونة

ما عـــاد له منهج على درب الاوهام
باب الهوى صكه وطــــوول حصونه

يحرص على وصل القرايب والأرحام
ويصون عرض الناس لو يرخصونه

ما يشتري ويبيــع في سوق الآثام
سوق الردى محشـوم ما هو زبونه

واذا دعيتـــه في المواجيب مقـدام
تبشر يعــــزك لا طلبت المعــونه

الطـــيب خلـفه .. والتباشير قـدام
والناس بافعــال الشـرف يمدحونه

يبين في الشـــدات وتضيع الأقزام
لا قـــام ولـد اللاش يفـــرك جفونه

مثل الجبل ما حــرركه ريح وانسام
ما هــز مشهــاب اللواحظ ركـونه

ما لد عينه في رعـــابيب الأريــام
زاهــد ونفســه ما تحـب المهـونه

يصد عنهم صـــد من لبس الاحرام
متوجهن للبيت فـــاضت عيـــونه

ويا سعد من يثبت على دين الإسلام
مؤمن بدينه ملـــتزم في شئونه



.