لعنه !

[طلال بجاد]

شقت رجلي بذاك الشارع المهجور ياساره
..................... ثمان شهور أجي له كل يوم وأدفن عيوني

على ذاك الرصيف اجلس وبيته ماتت أنواره
................ على ذاك الرصيف أزرع سؤال .. وينخطف لوني

على ذاك الرصيف الي زرعني داخل غباره
................... اجي وأسقي بقايا أسئله وتجاوب ظنوني !

سميه : من حُرِم‎‏ ريح المطر.؟! من ذبلت أزهاره.؟!
................ سميه : من قتل حلم الوعد.؟! من طاح بمتوني.؟!

سميه حلمي اللي عاش بك من حطم دياره
................ سمية من خذا مني العقل واعطاني جنوني.؟!

سميه من عطاني للسهر.؟! من أسدل الشارة.؟!
................ من اللي يوم قربت أوصلك سلّ الهجر دوني .؟!

سمية والنهاية يوم جتني جات جباره !
.................... أبي منك جوابٍ يبري من الضيق مكنوني !

تعبت أرسم على درب الوله عصفوره وحاره
............ وبيتٍ .. يآآآهـــ : كم كنت أذكره لإبتسمت شجوني

على كثر الألم جيت اسكنه .. وأقبـّـل جداره
................. بدونك ! وآآهـ .. ياطعم الدموع بوحدة جفوني !

بأسج الدرب يابنت الضيا وإن جاتك أخباره
.................. تناسي .. قولي إنه شاعرٍ كدّر صفا كوني .. !

وأنا بأوعدك ما انسى ليل فرقانا ولا أسراره
...................... وأضمه كل ماجيت أبتسم وأسيّـل مزوني ! ..