نزف اليراع

[فهد السبيعي]

أسعد الله المساء

ياسعد ياخوي يالشهم الشجاع ===== يا قوي الباس ذا العزم البتوع

ياوجودي ما نزف حبر اليراع === وما على بيض الورق حبره يزوع

وجد بحارٍ تلوّى فالشراع ======= يوم شاف الموج من فوقه يروع

وانهزع بالساريه والعلم ضاع === وراحت احلامه مع اشراعه امزوع

من ليالٍ شيِّبت زين الطباع ====== وانسدح في فَيّها شين الطبوع

اقفت ركاب العُمر عجْله اسراع ===== وابعد النجْعَه لنا معها اربوع

كني اللي شاف له حلمٍ وفاع ====== يا اماني ضايعه بعد الهجوع

بس هوِّنها ترى الدنيا متاع ===== لو لهس في حلوها هيسٍ دنوع

والكريم ادري له فجوجٍ وساع ===== والحظيظ اللي من الدنيا قنوع

مع أطيب تمنياتي