بعض التعاليل ..

[فرحان الصعب]

صباح الخير يا سادة..


يا صاحبي خذ كلمتي ..للمقابيل
ما دام ضي الصبح ما بان.. خيطه
لا ساقتك رجلك لبعض.. التعاليـل
خلّك حويـــط..وخلّ عينك.. حويـــطه
ناسٍ على عيـوبـك عيــونه درابيــل
ودايــم على الــزلّه.. عيــونه شطيطه
يسعون بين الخلق بالقال..والقيــل
ودايم على الناس..السنتهـم سليطـه
ان جاهم الشاكي..دموعه هماليـــل
لـزّو بْجنبــه.. كــل عــينٍ .. عبيطـــــه
وصارو لجل عينه ودمعه..مناديــــل
واقفو على قلبـــه.. و فلّـــو ..شريطه
نصيحتي ياللي رمـَتك ..الغرابيـــل
لـَ تْصيـر للرديان ..طـــوفه ..هبيطه
اليا زبنت ازبـن من الناس ..حلحيل
ذاك الكريم اللي على راس عيطه
اللي ..بديه الدرب ..كله.. تساهيـــل
واصعب امور الناس عنده ..بسيطه
هذاك ما تـــلحق جـزاه ..المكاييـــل
ودّك جميله.. وسْط ..بطنك ..تخيطه
ويا صاحبي ..خذ كلمتي ..للمقابيل
ما دام ضي الصبح ما بان.. خيطه
طيبك ردى في عين بعض الرجاجيل
ويضيـع طيبك .. بالـردي والسقيطه

 

[صالح العرجان]

يسعد لي مساك

قل آآآآمين

عسى محشات القفى للماحي


وصح لسانك مدد ولا يكفون
رد ود

 

[فرحان الصعب]

صح بدنك أخي صالح ..
أسرتني وغمرتني بجميل كلماتك ..


شكرا لكل هذا العطر..

 

[نادرة عبدالحي]

الشاعر فرحان الشلاقي
هذه الحكم والمواعظ يحق لنا نخزنها ويبتلعها الفكر ولا يخرجها
هذا كلام كثرة به التجارب حتى صارت الحياة ومن فيهااا صور
ووسائل ورسايل لنا ..... وعلينا أخذ العبر بمن رمتهم وحوشية البشرية...
سلمت يداك يا الشاعر .ترى لا تدمن الغياب ......

 

[عبدالله سماح المجلاد]

وأنت أيها الشلاقي الموشّح بالشعر والشعور
خذ كلمتي للمقابيل / بأنك شاعر من طراز راقي ومتمكن من كل أدواتك الشعريه
لذلك عندما تأتي بنصك الشعري فأنت لاتأتي به إلاّ وهو مكتمل النضوج لتسعدنا بقرائته ومصافحة إحساسك من خلاله
أنت شاعر يسكنك الشعر وتسكنه يافرحان

 

[فرحان الصعب]

شكرا أختي نادرة ..
وتشرفت بمرورك .

 

[فرحان الصعب]

المشاركة الأصلية كتبت بواسطة عبدالله سماح المجلاد

وأنت أيها الشلاقي الموشّح بالشعر والشعور
خذ كلمتي للمقابيل / بأنك شاعر من طراز راقي ومتمكن من كل أدواتك الشعريه
لذلك عندما تأتي بنصك الشعري فأنت لاتأتي به إلاّ وهو مكتمل النضوج لتسعدنا بقرائته ومصافحة إحساسك من خلاله
أنت شاعر يسكنك الشعر وتسكنه يافرحان

أنا ممتن لك كثيرا أخي عبدالله المجلاد ..
شكرا لكل هذا الكرم ،وجعلني الله دائما محلاً لهذه الذائقة.

محبتي.

 

[بدرية البدري]

فرحان الشلاقي

صدقت !

خالص تقديري