كله منك يايوسف التركي

[حسين غنام]

مساكم الله بالخير
قبل كم اسبوع كنت عند الحلاق التركي اللي كنت متعود احلق عنده وبعد ماسوالي القصه اللي احبها
وحلق دقني اقنعني الحلاق ( يوسف ) اني اشبه انتونيو بانديراس بس الفرق بيني وينه ( الشنب )
المهم مالكم بالطويله اقنتعت اني احلق الشنب
وفعلا طلعت احلى والشبه بيني وبين انتونيو بانديراس كبير
لكن المشكله كل من شافني تغيّر علي وقعد يهمز ويلمز
حتى الوالد هاوشني
السؤال ليش حنا شعب متخلف للحين ليش نتدخل بكل شي حتى شنب الواحد مو بكيفه
والله صادتني عقده من المجتمع هذا وغبت اسبوع عن الجامعه لين طلع شنبي مره ثانيه
الله اكبر حتى شكلي يحدده غيري
متى نهتم بجوهر الشخص ونبطّل نتدخل بالأشياء الخصوصيه والشخصيه ؟
سؤال هل اجد له جواب ؟ لا اعلم

 

[م.عبدالله الملحم]

عاشق الزعيم

لماذا نفهمه تدخل في الخصوصيات

هو التوجيه و الارشاد


طيب اسأل نفسك هــ السؤال

لماذا سمحت للحلاق ان يتحكم في شكلكـــ

ليس كل ما نقتنع به صحيح



تمنياتي لك بيوم هاديء

و بالتوفيق في دراستكــ

 

[يزيد الماضي]

مالك حق يايوسف...!

 

[خالد العنزي]

ابو غنام
ماعليك من احد شاربك وانت حر فيه
اهم شي ترتاح نفسيا لو فيها حلق حواجب بعد
دوووس الله معك دربك خضر

 

[سلطان ربيع]

الله يعينك يابو غنام على هالبشر
على قوله خالد دوووووس
ولا يهمونك

 

[بدر عيسى]

يمكن لأنك لابس ثوب..
جرب مع بنطلون ..
وخبرني قالك أحد شي .