عمـلية بُــعد جراحـيّه

[شذرة السيف]

.
.



دكتور يالله جهّز الغرفه الحين
.......................وناد استشاريين علم الجراحه
بنجيكـ انا واللي عشقته من سنين
.......................من بعدنا ماشافت العين راحه
دكتور تكفى مانبي انكون شخصين
.......................شف لكـ طريقه تختصر هالمساحه
مابي تخلي بيننا ايسار وايمين
.......................ادمج بعضنا اببعض لوهي اباحه
مالومكـ الياقلت عنا مجانين
.......................العقل راح وسمّح الله مراحه
حنا انتبنّج من تجي العين بالعين
.......................محنا بحاجة للمخدّر صراحه
دكتور لحظه .. بس تبي تبدي منين ؟
....................... ابيكـ تبدى فيّ ماقوى صياحه
ماقوى نزيف الدم من ناس غالين
.......................وماقوى على دمعه بحزة مطاحه
دكتور تكفى بس اعلمكـ بامرين
.......................ودي صباحي مايفارق صباحه
هالادمي يسوى بعيني ملايين
.......................حكمت قلبه واستطعت اكتساحه
لكن امانه تبتدي فيني الحين
.......................حاول تخيّطنا ، بسلكـ الجراحه

 

[بدرية البدري]

شذرة السيف ..
لا حاجة للعمليات الجراحية عزيزتي ..
إن تىلفت الأرواح ما ضار الأجساد بعاد ..
ولكنكِ كنتِ قوية في طلب الاندماج ..

طاب صباحك بالخير عزيزتي ..

 

[وليد الفالح]

دكتور تكفى بس اعلمكـ بامرين
.......................ودي صباحي مايفارق صباحه
هالادمي يسوى بعيني ملايين
.......................حكمت قلبه واستطعت اكتساحه


الله الله رائعة ياشذرة السيف
احترامي

 

[عيسى خلف العنزي]

الله الله الله

هذي هي الشاعره الجميله والرائعه والراقيه شذرة السيف . .
لا تحضر الا والجمال مرافق لها . .
اهلاً بكِ في كل حضوووووور يا مبدعه . . !




لله دررك . .

 

[عبدالإله المالك]

شذرة السيف

إن الكلمات لتعجز عن إيفاء مثل هذا النص المتوسق على أعذاق النخيل والمتطاول على ظلالها الطويلة الباسقة ..

نص شعري متميز جريء مبتكر .. في كل جوانبه وتفاصيله ..

فلكِ أنت ِ من التقدير على الموهبة الفذة كل ما تستحقينه ..

 

[عبدالله العويمر]

تِلقَائيّتُك جمِيْلَة ، وحرفُك ِ شَفّاف

صح لسَانِك

دُمت ِ

 

[شذرة السيف]

المشاركة الأصلية كتبت بواسطة بدرية البدري

شذرة السيف ..
لا حاجة للعمليات الجراحية عزيزتي ..
إن تىلفت الأرواح ما ضار الأجساد بعاد ..
ولكنكِ كنتِ قوية في طلب الاندماج ..

طاب صباحك بالخير عزيزتي ..

دائما مااقول لاحاجه للحب ان اتى ناقصا

والحب يكتمل روحا وجسدا

فاما ان ياتي كاملا او لاياتي


ان كنتي تكتفين بالروح .. فانا لايكفيني ذلك

اكتمل به وبعطره كما يكتمل بي وبعطري

فلا حاجه لي بروحه دون جسده ورائحة عطره كل صباح


بدريه لاهنتي يا طيبه

 

[عبدالله صلال العساف]

..شف لكـ طريقه تختصر هالمساحه
الراائعه شذرة السيف
للشاعريه حضور كبير
في هذا النص
الروعه مو غريبه على رائعه مثلك
نص جميل
من شاعره اجمل