... روزنـامـة العـمـر وضـيـاء فرقـديـنه ...

[سعود بادي]

[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سنابل العمر/ المديد الرهينه = حـتـَّت نوامي طلعها / في بناني
حصادها ماينحصد / قبل حينه = ماهو بغصنٍ / للمحبين داني
تسنبلت / في جوهرتها / الثمينه = والْقَن بما / في أيدِهنَّ / الغواني
شيءٍ / من الضوضا / وحلم المدينه= على المباني / صب / بعض المباني
هنا وطن/ للحب ماتبرحينه = ياملبّسه / عقد الشعور/ المحاني
صهوة خفوق/ مولّعٍ تمتطينه = في منعطف / ركض المشاعر/حداني
قلبٍ / توارده الليالي / حنينه = على غرامك / حين غره / خذاني
مافيه /غصنٍ فيّ / ماتورقينه = يامطوّله /عمر الزَّهر / والسواني
بنك المشاعر / والغلا / تصرفينه = مفتوح لك / من دون / حد ائتماني
رزنامة العمر / وضياء فرقدينه = مافيه شيءٍ / فيك / ماقد قراني
همسك دفا / وانفاس / روحك سكينه =وحكيك طمانينه / وصمتك معاني
نونك سحر /فيها الغرق / والسفينه =وعينك بحر / وأهداب جفنك/ مواني
كن الضحى نورٍ / هنا / مشرقينه=وجهٍ / صحا / فيه الصباح / وحياني
وليلٍ / لنسمات الهوا / تنثرينه = من سحره / اللي مايعاني ../ يعاني
فيك الحلا مغروس / ما تشترينه =خلّي لهم / طرد الوهم / والأماني
في ذمتك / وبحق من / تعبدينه =وِرْدِك .. ولاتنسين / سبع المثاني
اقري .. عليك /من الذي / تحفظينه = واخذي / من آثار / البشر والمكاني
عيون /خلق الله / تراها مكينه =قضيّةٍ / ماسجلت / ضد جاني
يافاتنه.. ربي رحم / مؤمنينه =وحرَّم يشوفك /غير محرمك ثاني
[/poem]