تعبْ..

[عبدالمحسن الطليحي]

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ينبتْ عليْ الصبر! .. و أقطف مشاويري=وش قدْ حبك تعب! و أنا على خبرك
كل ما تزيد الجفا // أعطيك من خيري=وكل ما تهمّش وجودي فيك // أعتبرك
ما أقطف الورد من بستان أحد غيري=بسْ أقطف الورد من صدري / إلى / صدرك
الشعر هذا .. إذا ما زاد تقديري=أقلّها يا حبيبي يعلّمك قدرك!
كل الدفاتر ضمىْ // مثلي غناديري=أسقيت نفسي عشم // و أسقيتهم حبرك
حاولت أغيّر طريقة تربية طيري= كل ما أقسّيه / تطري فيه / ويعذرك
يعني .. شعوري يخون أحيان تعبيري=كنْ المشاعر تجيني بس من عبرك
تدري : غيابك يعْد أكبر مخاسيري=تعرف غلاك و تغيب كثيررر و أنتظرك
تعبت أدوّر عذر في صندوق تبريري=من كبر حبك ولا عذرٍ طلعْ كبرك!
آخر حمامة غلا.. طيّرتها!!.. طِيري!!=مقدر أحدّك على حبي و لا أجبرك
بدوس قلبي و بغنّي لك معاذيري=يموتْ حبْ بجفا // والباقي بعمرك
[/poem]