و محتاجه ،!

[مشاعر تائهة]

السلام عليكم ورحمة الله وبركاته


.

بلاش تزيد بعنادك وأنا والله محتاجه
لقلبك لانزل دمعي يشد أزري وإيديّه

خذيت اللي تبيه وما بقى لموادعي حاجه؟
وحق الله وبيت الله للحظه . أحسن النيّه!

إذا قصدك شعوري ذا تطّفي شعلة سراجه
ياعمي طزّ بأشيائي .. مدام بعزّتي حيّه

صحيح إني بعد عينك وأنا ماني بـ/دوّاجه
ماغير تسعسع رجيلي على دارك / هواويه

وإذا ضعفي محلّيني / وصوتي معلن إحراجه
أبيك تبادر بعطفك وتبشرّني بك بجيّه

فداك الناس وقلبٍ من زمن مافلّه احجاجه
يدوّر لي عليك وما لقى من ينطح الهيّه

دفن نفسه وصرت انته تفاصيله ومنهاجه
كأنك عمر ما أقدر ربع ساعه على طيّه

هذيك الدار يامسكر وراك اشباه مزلاجه
فلا يطري على بالك بتلقى ساكنه زيّه

سجينه داخلك وأدري أنيني يحرج إزعاجه
حزينه داخلك وأدري م َ غيري (صار) منسيّه

وش أحكي لك ؟
وعيني للسهر حضنه وديباجه
وش أحكي لك وبعيوني غلاك الـ.. فيها مارّيه

وش أحكي لك ؟
حنيني ما يبي في يوم إفراجه
وش أحكي لك وعطشانك لهاته تشحذك ميّه

وش أحكي لك ؟
وجرحي من بلاه ووصله اعلاجه؟
وش أحكي لك وش أخلّي وأنا اللي فيك منفّيه

إذا ربي كتب لي عمر أكيد إنّا بنتواجه
وأنا حقي عليك إنك تعوّض حرّة الكيّه

كذبت بكل شي إلاّ بأني صدّق محتاجه
لقلبك بدّت العالم/ وإنت لظلمتي: ضيّه

أنا جيتك وله لكن بعد في خاطري حاجه:
عليك الله وأمان الله ياقلبٍ (مات به) حيّه


دمتم بخير

 

[حنان العصيمي]

عليكم السلام والرحمة
ولا زلنا في احتياج

مشاعر ، صح لسانكِ يا مطر

 

[عبدالله العويمر]

مشَاعر تَائِهه

ومحتَاجه
نَبْض ٌ أتى بِصِدْقه ، وعَفْويّته

سلِم قلبِك

 

[فيصل الحلبوص]

مشاعر تائهة

إنبلاجة شعور
وإحتياج عظيم !
مشاعر رائعة دائماً بترجمة الـ مشاعر

كُوني بخير

 

[بندر الخزمري]

ونحنُ نحتاج للجمال الذي يشع نوره من هذا المتصفح

أتمنى لكِ السعاده ..

 

[محمد الناصر الشهري]

مشاعر تائهة ..

جميل ما قرأت هنا .. صحّ الشعور المسكوب هنا .. وسلمت أنامل الإبداع ..!

أطيب تحيّة

.
.

محمد

 

[ميسون الرملاوي]

بوح أنثوي ساحر مكلل برهافة الحس
شعوره نبض من نور

الرائعة // مشاعر
كل التحية والإعجاب لعزفكِ المنفرد

 

[مشاعر تائهة]

المشاركة الأصلية كتبت بواسطة حنان العصيمي

عليكم السلام والرحمة
ولا زلنا في احتياج

مشاعر ، صح لسانكِ يا مطر

الله يسعدك يالسميه وحي الله الطله ممتنه