مرثية الحزن

[أصيله المعمري]

لــ روح تركتني مما يقارب 9 سنوات

جدي المرحوم((سيف))


الطهر ما زال يعم أركان الصدور
وصيحة أذانك تتوق لها الآذان


مرثية الحزن


إليكم

/
/
/

[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]



يضيق همّي بك و حزني يعزيك=كل المشاعر لك حزينه حزينه
ذكراك قلبٍ ماخفق يوم ناسيك=تنبض لك أشواقه وقمّة حنينه
الأرض تدعي والسما فوق تبكيك=لو يتكلّم هالشجر قال: وينه..؟!
وأصيح يا جدي كثر ماني آبيك=تركتني لعبة زمن في يدينه
اسمعنــــــي يا آبويَه وربي يخليك=احمل معي حزنٍ يضيّق مدينه
جف الكلام وكل هالناس تدعيك=حتى الطيور تشيّعك في سكينه
هذي الأماكن همها اليوم ترضيك=ياكيف أجاوبها وروحك دفينه
ماتنفع دموعي لو تهلّ ترثيك=دام القدر ما فيه شيٍّ يـــــــدينه
إيه أذكرك والشوق فيني يناجيك=وذرفت حرفٍ صادقٍ في حنينه
قلت بحروفي بعض من بعض مافديك=لعلّي اشفي حزن قلبي و انينه
يا جدي المرحوم يا(سيف) أبا أهديك=حرفي و قلبي مع دعاه و يقينه
ينعيك طيبك قبل هالشعر ينعيك =وكل الأماكن من فراقك حزينه[/poem]

أصيلة المعمري

 

[قايـد الحربي]

أصيلة المعمري
ـــــــــــــــ
* * *

حزينةٌ مُبكية
وللرثاء ألفُ دمعةٍ تتحوّل حرفاً ونزفا .

كل الشكر لك
وكل رحمةٍ لجدّك .

 

[نور بنت محمد]

اصلية المعمري

صح الله لسانج يا الالية

الله يعطيج العافية

قصيده فى قمة الروعة

 

[متعب المضعان]

اصيلة المعمري


نص فاخر رغم ما احتواه

من حزن ٍ ورثاء


اسكن الله فقيدكم فسيح جناته

ودمتي بخير

وبطول العمر

 

[يزيد الماضي]

أصيلة

رحم الله جدك


وأبقاك لنا

 

[العـنود ناصر بن حميد]

.
.

الأصيله

كل نبضة ً هنا حكت .. بخشوع

قصة فقد

رحم الله جدك

وأبقاكِ على ذكراه وفيه

تحياتي

 

[ريم علي]

بكل هذا الحزن والشعور بالفقد......اتيتي شامخة يااصيلة...

ابدعتي.....وامتعتي..

لااقول الا.....رحم الله جدك واطال الله في عمرك ومن تحبين.

 

[عبدالعزيز رشيد]

أصدق الشعر الرثاء
فكيف اذا كان منك ..
كيف يكون ؟
هو في الواقع تعدى نطاق الصدق لأبعد حدود ..
وأقرب الشعر الى القلوب
شعر خارج من القلب عبر الحروف




اختي
تحياتي