صـاحب السـمو المـلكي الامير سعود بن منصور بن سعود بن عبدالعزيز ال سعود

[عادل عواد العنزي]

مبدعين أبـعاد
أعشق الحضور دائما بينكم ولكـن لعدم توافر الجديد أبتعدت قليلا
فـ عـذرا عن الغـيـاب..
وحضوري هنـا اليـوم للثناء والمدح للـرجـل
صـاحب القلب الابيـض الكريم أبــن الــــكـريـم
أخـي وصـديـقي ومعلمي
صـاحب السـمو المـلكي الامير سعود بن منصور بن سعود بن عبدالعزيز ال سعود
فـ تقبـلـوهـا
عـل وعسـى أن تشفـع عن غيـابي


[poem=font="simplified arabic,5,black,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الصبح طل بطلعتن شمسيه=طير معاه طيوره الفجريه
صبح علي وقلت له يامرحب=أرحب تراحيب الوجيه الحيه
ياصبح أنا مشتاق للي غالي=غالي وعالي منسب وجاهيه
هذا الامير اللي ملك من طيبه=حب الرجال أهل الشرف والهيه
ياسيدي يابو فهد يالعالي=وقفاتك بجنبي ماهي عاديه
ضميتني من وسع صدر وخوه=وأرخيتلي ظل الغلا حنيه
ولازلت ياكحيلان يامتواضع=تصخي علي العطف والعانيه
سبحان من هو كملك سبحانه=واعطاك فضله واشملك في فيه
أنشهد أنك عدملي الفزعه=راعي مواقيفن لها ماريه
مثل البحر تلطم ومثل امواجه=وشاطئك مرسى والعرب مشقيه
تبري نفوسن من زمنها غثه=بين الوهم والهم والنفسيه
وتساعد اللي من زمانه ضايق=وتخلي أحلامه معك ورديه
ياأمير كم لي والزمن يطعني=بالسيف والشلفا وبالجنبيه
وكم لي وأنا أصارع ظلامن دامس=مامن سراج ولاضوت ناريه
أتعب على خوتك وابني نفسي=وتهدها ظروف الزمن جبريه
وأنا رفيقن مخلصن لك وافي=عادل على أسمي والرجال اسميه
عطرت لك صدري قصيدن واجد=عل وعسى يرضيك منه شويه
مالي صديق الا العناء واشعاري=وهمومي اللي فايضاتن فيه
عليك سقت القافله محتاجه=ضميانتن وجيوبها مفضيه
وأنت الكريم اللي عليك المورد=وأنت الذي حامت عليك اضميه
سقها ياأبن منصور صوب العليا=يابو اليدين الجزله المعطيه
هذا ولك مني سلامن وافي=وتحيتن بالجاوني مكسيه
عبيرها الفواح فل ونرجس=من قلبي اللي صاغها فجريه[/poem]

محبكم
عادل عواد العنزي
الرياض