. .~ هداج تيــماء ~ ..

[معاني الشوق]

بِرَغْم الْبُعْد

تَظَل أَبْعَاد الْاقْرَب
/
إلى قلوبكم الطاهرة
خلجات خاطر .. !!
شكراً لكم ولمن تفضل بالمرور العابر..

:

[poem=font=",5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يا ذا السحاب اللي نشى برقه على روس الهضاب=يـا ذا الهبـوب الثايـره يـا ذا العيـون الدامعـه
قد جيتكم قطـر النـدى يغـرق تهاتيـه السـراب=قد جيتكم نجـم طغـى فـوق النجـوم الساطعـه
قد جيتكم ثوبي المهابه والحجـاب مـن السحـاب=فـي ذمتـي هـدّاج تيمـاء فـي يمينـي نابـعـه
من دقة إصبع ينتثر حرفـن غفيـر بـلا حسـاب=وفي سلهمـه تاتـي صفوفـه كلبوهـا خاضعـه
أي شاعرة والشعر يرضخ لي رغم انف الصعـاب =ذي جدتي الخنساء تماضـر يـا النجـوم أللامعـه
" بنـت العبيـه" لقبونـي واللقـب فيـه انتسـاب=أليا انتهـض طرفـي تقـال انـه قيـام القارعـة
من شوق معنى أو(معاني الشوق) يا ريح الخضاب=دام اللقب باسمي عطـا كـل الحـروف المانعـه
أغسل يميني بالحياء ومن العفاف أغـرق شعـاب=شفنـي كبيـره بكلمتـي تـوي صغيـره يافـعـه
لنّي ابدويـه وحضريـه ثـورة الشعـر المهـاب=أي عاقلـه فينـي جنـون وللمـحـال الرابـعـه
أي سَيّـده للشعـر سِيْـدَة سَيّـدة سَـادتْ رقـاب=أستنطق الأخـرس وأعّلمـه الحـروف الجامعـه
أحيان أجاذب شرّد الطاروق مـن سلـك الربـاب=واحيان نتسابـق علـى حـد القوافـي الخاشعـه
لا ما نسيتـك يـا صـواع قـد مليتـه بالشـراب=عذب زلال من الشعر يُسكـر أصُـمُّ (ن) سامعـه
وآمرحبا بك يا شموخن هيـب اللـي مـا يهـاب=والعود في عين الحسـود اللـي فجالـي طامعـه
يا ريح مسك ونور عسجد جوهـرة در الخطـاب=إقـرا علـيّ امـن التعاويـذ الكبـار الهاجـعـه
واحذر يبريك نكسة الجساس في حـرف عُجـاب=دامـه كـذا يأتـي غصـب والتغلبـيـه قامـعـه
بسم الله الرحمن يا شيء عثـى بصـدري وجـاب=عـذب الجزايـل والادلــه ثالثتـهـا رابـعـه
هـذا قريـن للفخـر وأختـه قرينـه للشـهـاب=وهـذي قرايـن ثورتـه تعصـي عنيـد وطايعـه
فذ كان الأشقر ماكره عسر علـى بـوم وغـراب=في ذمتـي يبطـي عظـم لا مـا رقـى للسابعـه
والذيب ذيب لا سرى في صحصحن يتبـع زهـاب=وده سمـان الفطـح مـا يرضـى هزيـل جايعـه
لا ما خبرت الذيب يقرب جيفة جـوف الخـراب=ولا ما خبرت البـوم مثـل الحـر يملـك خايعـه
أي هكذا يومي ملكت الشعر فـي سلـم وحـراب=لي الفخـر لا قيـل يـا بنـت الخنـاس الرائعـه
ومادام لي غر المعانـي والشعـر شيـخ الذيـاب=والليـل غافـي فـي ثليـل العقربـيـه اليانـعـه
فانا وربي لأجمع البحرين يـا " حظـرة جنـاب "=حتى تقف لي يـا فقيـد السـاق وأمـري طايعـه
ما هو حديـث يفتـرى وأنشـد تهاتيـه السـراب=عـن قطـرة تغـرق زماليـق الفيـاح الواسعـه
ينبيك عنـي ذا القلـم والخيـل يـدري بالجـواب=إن ( المعاني ) وحدهـا هـزّت رجـوم فارعـه[/poem]