ما .........أأأحبك

[الجفول]

خرجت لنور بهذه الصوره ولها في نفسي ما يبررها فتقبلوها

أكرهك ما أحبك ما أدانيك ما أبغاك
بكل اللغات أقولها عن قناعه
يئست من تعديل الأوضاع وياك
ومليت من ترديد سمعن وطاعه
أنسان متغطرس وجاحد وأفاك
وشلون ما شفتك بهذي البشاعه ؟؟
هو أنت أنت اللي مسح دمعي أهناك ؟
هو أنت أنت الي ضنا البعد راعه ؟
هو أنت أنت النجم من بين الأفلاك ؟
هو أنت عنوان الكرم والشجاعه ؟
هو أنت ذاك المفعم بحس وأدراك ؟
هو أنت من راسي توسد ذراعه ؟
يومنها جت لك على غير مشهاك
رميت ثوب المرجله والبتاعه
جازيتني بالصد يا طول مسراك
وكفرت باسلوم العرب والجماعه
وهدمت صرح الحب وأعلنت جفواك
وأنا لك الله ما نويت القطاعه
رح في طريقك جعل بقعا تقفاك
يا جاحد ن مبطي طوينا شراعه
لي هامتن ما تنحني لك وتدراك
نذرن علي لوكان بالعمر ساعه
حرام ما أشوفك ولا أعيش رجواك
ولالك بدستور المحبه شفاعه

مع أرق تحياتي
الجفول من الكويت