مـايـمـوت الحــرّ مـغـبـون !!

[فهد الماجدي]

للتواصل مع التحيه والاحترام

,,

كل ما باقول شـي بخاطـري اكتـم واخجـل
لين ماشفت الحيا ذابل وانـا ماسـك عروقـه

الحيا ديـن ومـن الايمـان بالسنـه مسجـل
والادب / والذوق / والاخلاق / ماتعرف طروقه

ياصغير السن معروف الرجل واللـي تمرجـل
كارهين اللي شفوح النفس للعـذرى لحوقـه

كان ماوالله تخجل غيرك من النـاس يخجـل
وانتبه دام اللحى للحين ... ماعـاد محلوقـه.

لكن اهتن ياصغير النفس بالصفحـات جلجـل
دام انا من ناس ..ماترضى قبيلي ناس عوقـه

بيّض الله وجه ابوي اللي على فرقـاه عجّـل
عاسف ٍ نفسي على الخيرات خلاهـا شفوقـه

والله اني شاعر ٍ كم بيت مـن قلبـه تسجـل
مايحسه غير قلـب ٍ سايّـلات دمـوع موقـه

الذليل الحين بالعـز .. حـرّ ماكنـه محجـل
والعزيز امسى ذليل الهم . والنفس محروقـه

من زهدبك اتركـه وارحـل وللعليّـا ترجّـل
مايموت الحر مغبـون .. وْيتلّنـه سبوقـه !

’’

 

[جُمان]

من زهدبك اتركـه وارحـل وللعليّـا ترجّـل
مايموت الحر مغبـون .. وْيتلّنـه سبوقـه !

هو كذلك يا فهد
أهلاً بِك وبِتواصُلك الجميل
.
.

 

[فهد الماجدي]

لاعدمناك يالغاليه جومان

وجهك ابيض يالاجوديه

التحيه والتقدير

,

 

[فهد الغبين]

الله عليك


مبدع وجزل صح الله السانك ولاهنت



دمت بود

 

[فهد الماجدي]

يعين الله يالغالي السمي فهد الغبين


الف شكر لمرورك الطيب


التحيه والتقدير لك

,

 

[فهد الغبين]

الله عليك


مبدع دوما يالسمي لا خلا ولا عدم


دمت بود

 

[فاطمة ناصر]

الحيا ديـن ومـن الايمـان بالسنـه مسجـل
والادب / والذوق / والاخلاق / ماتعرف طروقه

ياصغير السن معروف الرجل واللـي تمرجـل
كارهين اللي شفوح النفس للعـذرى لحوقـه

الحياء قطره في وجه الرجل أو المرأه على السواء فأذا سقطت تلك القطره فبأمكان المرء أن يفعل مايشاء
أي أنه يعمل عكس مبادئ وأخلاقيات المجتمع المتحدر منه
أخي الكريم الشاعر فهد الماجدي
سطرت ما أردت أن اقوله منذ وقت ولم تسعفني القريحة

من زهدبك اتركـه وارحـل وللعليّـا ترجّـل
مايموت الحر مغبـون .. وْيتلّنـه سبوقـه !
شكراً لله عليك

 

[فهد الماجدي]

وجهك ابيض الغالي السمي الوافي فهد الغبين

لاتحزن ياصديقي قلوبنا معاك

التحيه والاحترام لك

’