يا عل بالامر خيره !

هيثم التميمي · 12-06-2009, 03:39 PM

.
.

السلام عليكم ورحمةٌ من اللهِ وبَركاته

صَباحكم / مساؤكم شعر

أتمنى أن ألتمس منكم العذر على إنقطاعي الطويل

جديده .. علّها أن تشفع

بسم الله

__________________________

للحزن في صدري وللهمّ ترحاب
وما للمشاعر غير الابيات جيره
/
\
/
مابين لوعات الليالي والاحباب
قلت : ابتسم ياعلّ بالامر خيره
/
\
/
الصبر من حرّ المواجيع ما ذاب
ولا النفس من مكتوبها مستجيره
/
\
/
وسع الفضا صدري على كل الاسباب
وطهر الغمام لكلّ ضرغام .. / طيره
/
\
/
ماروح ادوّر للمعاذير .. كم باب
مفتاحها في خافقي .. هو ضميره
/
\
/
ان كانه اخطى .. للمخاليق توّاب
وان كانهم زلّوا .. عيونه ضريره
/
\
/
الناس يالجاهل .. ينابيع واسراب
ذولاك يروونك .. وذولاك " حيره "
/
\
/
ومنهو عرف فرق الثنايا عن الناب
يدري من اللي بالمودّه .. خشيره
/
\
/
الجود بالاخلاق .. والصدق عرّاب
والطّيب .. ما يعرف قبيله وديره
/
\
/
كلٍّ وفعله .. مابها شي ينعاب
( والهرج يكفي صامله عن كثيره )
/
\
/
يا سامع معلّم / ويا قاري كتاب
اذعوا مفاهيم الحياة القصيره
/
\
/
محدٍ جمَعْها .. لكن العِرْف مرقاب
واللي يرومه .. يرتوي من غديره

,,

دُمتم سالمين

لكُم من صميم القلب كل التقدير والإحترام .. والحب

أخوكم / هيثم