الله يسامحك

[وليد بن مسعد]

اخواني واخواتي اعضاء هذا المنتدى الشامخ

متواضعه كيبورديه مني لكم


اترككم معها




شفني على كثر ماتخطي اشوفك ملاك
وشفني على كثر هجرانك رفضت البديل

وشفني على كثر ماحديتني للهلاك
مانيب تاركك ترحل لو طلبت الرحيل

ماتدري انك بقلبي مابه احداً سواك
ولاتدري اني بعشقك عاشق المستحيل

سهرت حزن وأسى وضنون واثره غلاك
يمحي ضنوني وحزني صار مثلي اصيل

جافيتني عند خلق الله ولا بيخفاك
انك على كثر ماجافيت صبري جميل

يا كم كنت اتمنى من برادي دفاك
رميتني في براد ودرب حزنً طويل

اكبر ذنوبي على انه كل شي فداك
واكبر ذنوبك تركت الحب عندي نزيل

الله يسامحك غرك ياحبيبي حلاك
قتلتني ثم مشيت بنعش ذاك القتيل

ترا الهوا ماهو بلعبه عسى الله يهداك
وترا الجفا ثقل عيت له متوني تشيل

زرعت حبك سعاده وشهو اللي دهاك
اشقيتني ياحبيب القلب هذا الحصيل

ان كان شككت في حبي فانا اقول هاك
قلبي ترا نبضه بااسمك هو اكبر دليل

ناديت لك في غياب الفرح والصوت جاك
رجع صدى صوتي المسكين مافيه حيل

يكفيني اللي مضى من صدك ومن جفاك
ويكفيك دمعه على خديني ازرت تسيل

مانيب قايل على روحتك هذا هواك
والله ماتركك ترحل لو طلبت الرحيل

 

[عبدالله العويمر]

وليد

احسَاس ُ المُحِب جَمِيْل

صَح لْسَانك

دُمْت بخَير

 

[إبراهيم الشتوي]

وما بين الغياب واليباب سموات وله ومفازات فقد ..

فشكرا لحضورك وشعورك المتقد ..

تقديري يالغالي .

 

[عبدالعزيز سحل]

وليد

ما اجمل التضحيه من اجل من تحب

تتلاشى تلك الاخطاء في طغيان الحب

مودتي