المــآذن... الاهداء للغربه هناك !!!

[مشعل الذايدي]

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]صاحبي كم تساوت في عيون الفقيـر=همهمات الأغانـي حلوهـا... مرهـا
صاحبي كم ذيبٍ حالـف انـه يثيـر=جمـرةٍ بالمحانـي لا عـوى كرهـا
ليه هذي المدينه غير والنـاس غيـر=ليه هذي الحمايـم ضاقـت افبرهـا؟!
والمسا لو توسـد نجمتيـن وحريـر=يخطف الصبح نجماته علـى غرهـا
كنت وحدي مسافر والشنـط تستعيـر=آخر وجيـه نـاسٍ خـوف تجترهـا
كانت أمي توصـي بـالآذان الاخيـر=سجـدةٍ ياوليـدي فـاز مـن خرهـا
ليه يامي .. وحلمي لا غدى له صرير=يحيي أسراب جيشٍ للحشـا جرهـا؟!
كنت كلي مآذن في صـلاة المصيـر=وكان صوتـك آذان بـلال لا مرهـا
كنتي اكرم من المزنه بعـز الهجيـر=وكنتي اصبر من الشده بقلـب الرهـا
الاغاني الاماني مجلسـك والحصيـر=المواويـل واللهفـه ويــا حـرهـا
جمعتنـي بعيونـك تمتمـات ونذيـر=وانثرتنـي بغيابـك سكـر لذرهـا!!
لا زهابي زهاب ولا مسيري مسيـر=كل وجهه نستنـي جيـت مضطرهـا
اضحت صدور ربعي خاويه بالصفير=كنها اصداف بحرٍ واجهضت درهـا!!
كم صلى بحلمـي هالسـواد الحقيـر=توبـةٍ تسكـن لسانـه ومـا قـرهـا
والحنيـن بعيونـك يالشبابيـك طيـر=يسرق الريح جنحانه ومـا صرهـا؟!
كـان حلمـه يغـرد للفضـا للفقيـر=للمساكين فـي بـرده وفـي حرهـا
ودعتـه السنابـل حبتيـن وغـديـر=وبلل الريـش دمعاتـه ومـا سرهـا
ليه هذي المدينه غير والنـاس غيـر=وحشةٍ في حواريها وفـي برهـا!!!
[/poem]